ترکیه ده سوریه لیک و افغانستان لیک مهاجر لر آره سیده اوروش بولدی

ترکیه نینگ قونیه ولایتیده سوریه لیک و افغانستان لیک مهاجر لر آره سیده بولگن اوروش نتیجه سیده 10 کیشی یره لندی. 

حادثه ترکیه وقتی بیلن کیچه ساعت 2 دن 15 دقیقه اوتگنده قونیه ولایتی مرام اولسواللیگی شکران محلله سی فرقان کوچه سیده یوز بیردی.

ادعا گه کوره, کیم ایکن لیک لری معلوم بولمه گن بیر گروپ سوریه لیک مهاجر, افغانستان لیک مهاجر لرنینگ یشیتگن بیر اوی گه باسیب کیرگن.  قوللریده پیچاق و پیچکش بولگن سوریه لیک لر افغانستان لیک لر گه حمله قیلگن.  نتیجه ده 10 نفر افغانستان لیک مهاجر یره لندی.  سوریه لیک مهاجم لر ایسه حادثه محللیدن قاچیب کیتدی. 

یره لنگن کیشی لر کسلخانه گه انتقال ایتتیریلدی. کوکسیدن پیچاقلنگن بیر نفر افغانستان لیک مهاجر نینگ ساغلیق وضعیتی نینگ یمان ایکن لیگی بیلدیریلدی.

پولیس حادثه نینگ عامل لرینی تاپیش اوچون فعالیت لری نی دوام ایتتیرماقده.