UEFA اروپا لیگی فاینل بیلله شووی بایر لیورکوزن بیلن اتالانتا اورته سیده بولیب اوته دی

UEFA اروپا لیگی یریم فاینل اوچره شوولری نینگ آرتیدن بایر لیورکوزن بیلن اتالانتا فاینل گه اورین آلیش گه موفق بولدی.

آلمان جماعه سی بایر لیورکوزن بیرینچی اوچره شووده 2-0 مغلوبیت گه اوچره تگن ایتالیانینگ روما جماعه سی بیلن ایککینچی اوچره شووده 2-2 برابرگه قالیب فاینل گه چیقدی.

اوچره شووده بایر لیورکوزن نینگ گوللرینی 83- دقیقه ده رومالیک فوتبالچی جیانلوکا مانچینی اوز گولی گه اوردی و 90+5 دقیقه ده جوزیپ ستانیسیچ اوردی.

رومانینگ گوللرینی ایسه 43- و 66= دقیقه لردن لیاندرو پرادیس پینالتیدن اوردی.

ایریم بیلله شوو ایثتالیانینگ آتالانتا جماعه سی بیلن فرانسه نینگ اولمپیک مارسیلیا جماعه سی اورته سیده ایدی.

ایککی جماعه فرانسه ده بولیب اوتگن اوچره شووده 1-1 برابرگه قالگندی. بیراق ایتالیاده گی اوچره شووده آتالانتا اوز رقیبی فرانسیز المپیک مارسیلیانی 3-0 مغلوبیت گه اوچره تدی.

آتالانتانینگ گوللرینی 30- دقیقه ده آدمولا لقمان، 52- دقیقه ده ماتیو روگری و 90+5 ده البلال توره اوردی.

اوشبو نتیجه لرنینگ آرتیدن آلمان جماعه سی بایر لیورکوزن بیلن ایتالیا جماعه سی آتالانتا فاینل گه چیقیش گه موفق بولدی.   

بایر لیورکوزن بیلن اتالانتا اورته سیده گی UEFA اروپا لیگی فاینل بیلله شووی 22 می چهارشنبه کونیایرلندنینگ پایتختی دبلین ده بولیب اوته دی.