اروپا قهرمانلر لیگیده بوریسیا دورتموند غلبه قازاندی

UEFA اروپا قهرمانلر لیگی یریم فاینل بیلله شووی ایککینچی اوچره شوویده آلمان نینگ بوریسیا دورتموند جماعه سی فرانسه نینگ پاریس سن جرمن جماعه سیگه قرشی غلبه قازانیب فاینل گه چیقیش گه موفق بولدی.

 UEFA اروپا قهرمانلر لیگی یریم فاینل بیلله شوویده بوریسیا دورتموند جماعه سی بیلن پاریس سن جرمن جماعه سی اوچره شدی.

اوچره شووده بوریسیا دورتموند جماعه سی اوز رقیبی پاریس سن جرمن جماعه سی گه قرشی 1-0 بیلن غلبه قازاندی.  

بوریسیا دورتموند جماعه سی نینگ گولینی 50- دقیقه ده تجربه لی فوتبالچی حوملس اوردی.

اوشبو نتیجه بیلن بوریسیا دورتموند جماعه سی UEFA اروپا قهرمانلر لیگیده فاینل گه چیقیش گه موفق بولدی.

آلمان جماعه سی UEFA اروپا قهرمانلر لیگی فاینل بیلله شوویده بایرن مونیخ بیلن ریئال مادرید جماعه لری اورته سیده بوگون (چهارشنبه) کیچقرون بولیب اوته دیگن اوچره شووده غلبه قازانگن جماعه بیلن 1 جون شنبه کونی انگلستان نینگ پایتختی لندن ده جایلشگن ویمبلی استدیومیده اوچره شه دی.