تانزانیا ده ماربورگ ویروسی کوپلب کیشی نینگ اولیمی گه سبب بولدی

تانزانیا ده ابولا گه اوخشش ماربورگ ویروسی 5 کیشی نینگ اولیمی گه سبب بولدی. 

اوشبو اولکه نینگ ساغلیق نی سقلش وزیری اومی موالیمو, آلدین بیلینمه گن بیر کسللیک باعث وفات ایتگن لیک لری بیلدیریلگن 5 کیشیدن آلینگن نمونه لرده ماربورگ ویروسی نینگ انیقلنگن لیگینی معلوم قیلدی. 

کسلخانه ده 3 کیشی نینگ تداوی سی نینگ دوام ایتیاتگن لیگینی معلوم قیلگن موالیمو, کسل لر بیلن تماس قورگن 161 نفر نینگ ایسه کوزه تیلیاتگن لیک لری نی بیلدیردی. 

قورقیب اقتصادی فعالیت لرنی توخته تیب قوییش نینگ ضرور ایمس لیگینی بیلدیرگن موالیمو, کسللیک نی کنترول آستیگه آلیش گه حرکت قیلیاتگن لیک لرینی ایسله تیب اوتدی. 

ماربورگ ویروسی, ایلک مراتبه میلادی 1967- ییلده آلمان نینگ ماربورگ شهریده گی بیر لابراتوارده انیقلنگن ایدی. 

انسان لر اوشبو ویروس نی کسل کیشی لرنینگ وجود سویوقلیک لری یاکه تماس آرقه لی یوقتیریب آله دی. 

خوددی شوو ویروس نی یوقتیریب آلگن کیشی لرده یوقاری ایسیتمه, قتتیق باش آغیریغی و قوسیش کبی بیلگی لر توستدن پیدا بولیب قاله دی.  کوپلب کسللرده 7 کون کیین آغیر هموراژیک بیلگی لر کورینه باشله یدی.  

واکسینی و خاص بیر تداوی سی بولمه گن ماربورگ ویروسیده اولیم میزانی ایسه 23 الی 90 فایز دن عبارت. 

آنگولا ده میلادی 2005- ییلده ماربوگ ویروسی 252 کیشی نینگ کسل بولیشی گه سبب بولرایکن, اوشبو کسل لر دن 90 فایزی وفات ایتدی.