ایردوغان بیلن مخبر اوزارا سوزلشوو اوتکزدی

تورکیه جمهور باشلیغی رجب طیب ایردوغان بیلن ایران جمهور باشلیغی اورینباسری محمد مخبر اوزارا تیلفون سوزلشووی اوتکزدی.

تورکیه جمهوریتی علاقه باشقرمه سی تامانیدن بیریلگن یازمه بیاناتگه کوره، جمهور باشلیغی رجب طیب ایردوغان ایران جمهور باشلیغی اورینباسری محمد مخبرگه ایران جمهور باشلیغی ابراهیم رئیسی، تشقی ایشلر وزیری حسین امیر عبداللهیان و همراهیده گی هیئات نینگ تیک اوچر حادثه سیده حیاتینی یوقاتیشی طفیلی قیغوداشلیک بیلدیرگن و صبو چیدم تیله گن.

تورکیه نینگ بو قیغولی کونلریده ایران نینگ یانیده ایکن لیگینی و ایران خلقی نینگ قیغوسیگه اوزینی شریک کورگن لیگینی معلوم قیلگن ایردوغان، تورکیه نینگ بوندن کیینگی جریانده ایران اوچون قوشنیلیک و قرداشلیک وظیفه سینی بجا کیلتیریش گه دوام ایته جگینی افاده ایتگن.

جمهور باشلیغی ایردوغان، رئیسی و عبدالله یان نینگ تورکیه بیلن ایران مناسبتلریده قوشگن حصه لری نینگ ایسدن چیقمس لیگینی قید ایتگن.