تورکیه ده بیر کونلیک ملی ماتم ایتیب اعلان قیلیندی

جمهور باشلیغی رجب طیب ایردوغان تیک اوچر حادثه سیده حیاتینی یوقاتگن ایران جمهور باشلیغی ابراهیم رئیسی اوچون بیر کونلیک ملی ماتم ایتیب اعلان قیلیش قرارینی قبول قیلیب آلگن لیکلرینی بیلدیردی.

جمهور باشلیغی ایردوغان کابینه جلسه سی نینگ آرتیدن بیانات بیردی.

ایران جمهور باشلیغی رئیسی و همراهیده گیلرنینگ تیک اوچر حادثه سیده حیاتینی یوقاتیشی طفیلی قیغولنگن لیگینی تاکییدله گن ایردوغان جنابلری،

کابینه جلسه میزده ایران خلقی تارتگن چقور قیغو و الم نی باهملشیش اوچون اولکه میزده بیر کونلیک ملی ماتم ایتیب اعلان قیلیش قرارینی قبول قیلیب آلدیک." دیدی.

ایردوغان، رئیسی بیلن همراهیده گی هیئات بولگن تیک اوچرنینگ قولب توشیشی نینگ آرتیدن ایران نینگ طلبی گه بناً بو اولکه گه جونه تیلگن آقینجی درون نینگ قیین هوا شرطلریگه قره مه ی منطقه ده 7،5 ساعت قیدیروو فعالیتی اوتکزیب توپلم 2 مینگ 100 کیلومتر اوچیش عملگه آشیرگن لیگینی تیلگه آلدی.

ابراهیم رئیسی بیلن همراهیده گی هیئات تشقی ایشلر وزیری حسین امیر عبداللهیان شرقی آذربایجان ولایتی والیسی مالک رحمتی و تبریز جمعه امامی محمد علی آل هاشم هم اولگن تیک اوچر توناون کونی آذربایجان جمهور باشلیغی الهام علی یف هم قتنشیشی بیلن ایککی اولکه اورته سیده اویوشتیریلگن توغان نینگ آچیلیش مراسمیدن قیتگونچه یمان هوا شرطلری طفیلی قولب توشگندی.

ایران نینگ طلبی گه بناً بو اولکه گه جونه تیلگن آقینجی درون تثبیت ایتگن راپورلرینی ایرانلیک مقاملرگه بیردی.

تثبیت ایتیلگن نقطه گه ییتیب بارگن ایرانلیک گروپلر حادثه عاقبتیده هیچ کیم نینگ تیریک قالمه گن لیگینی بیلدیردی.