ایران جمهور باشلیغی ابراهیم رئیسی تیک اوچر حادثه سی عاقبتیده حیاتینی یوقاتدی
اوشبو حادثه ده رئیسی بیلن بیرگه لیکده تشقی ایشلر وزیری حسین امیر عبداللهیان نینگ هم اولگن لیگی بیلدیریلدی
ایران جمهور باشلیغی ابراهیم رئیسی بیلن همراهیده گی هیئات تیک اوچرنینگ قولب توشیشی عاقبتیده حیاتینی یوقاتدی.
ایران دولت تلویزیونی خبر بیریشیچه، اوشبو حادثه عاقبتیده ابراهیم رئیسی بیلن بیرگه لیکده تیک اوچرده بولگن تشقی ایشلر وزیری حسین امیر عبداللهیان شرقی آذربایجان ولایتی والیسی مالک رحمتی و تبریز جمعه امامی آیت الله علی هاشم هم اولگن.
تورکیه دن ییتیب بارگن قورالسیز هوا واسطه سی درون نینگ یوتوقلی تثبیت ایتیش فعالیتلری نتیجه سیده قالدیقلری تاپیلگن تیک اوچرده گی انقلاب محافظلری اردوسی منسوبی 2 ته یوقاری ییتکچی بیلن 3 نفر پرسونل نینگ هم خوددی شو حادثه ده جان بیرگن.
ایچیده ابراهیم رئیسی بیلن همراهیده گی هیئات بولگن تیک اوچر توناون کونی آذربایجان جمهور باشلیغی الهام علی یف هم قتنشیشی بیلن ایککی اولکه اورته سیده اویوشتیریلگن توغان نینگ آچیلیش مراسمیدن قیتگونچه یمان هوا شرطلری طفیلی قولب توشگن لیگی بیلدیریلگندی.
63 یاشیده گی ابراهیم رئیسی 2021 ییلی سیلاویده ایران نینگ 8- جمهور باشلیغی ایتیب سیلنگندی.
حسین امیر عبداللهیان ایسه تشقی ایشلر وزیرلیگی وظیفه سینی آلیب بارماقده ایدی.
شونده قیلیب اولکه نینگ دینی رهبری علی خامنه یی سیلاولر اویوشتیریلگونچگه قدر اولکه نینگ باشقرووی نینگ جمهور باشلیغی اورینباسری محمد مخبرنینگ آلیب باره جگینی معلوم قیلیب 5 کونلیک ملی یاس ایتیب اعلان قیلینگن لیگینی بیلدیردی.
علاقه لی ینگی لیکلر
ایران جمهور باشلیغی ابراهیم رئیسی دفن ایتیلدی
ابراهیم رئیسی بیلن تشقی ایشلر وزیری تیک اوچرنینگ قولب توشیشی عاقبتیده حیاتینی یوقاتگندی
تهران ده جنازه مراسمی اوتکزیلدی
جنازه نمازینی اولکه نینگ دینی ییتکچیسی آیت الله علی خامنه یی ادا قیلدیردی