ایردوغان کسبداشی رئیسی اوچون قیغوداشلیک بیلدیردی

تورکیه جمهوریتی جمهور باشلیغی رجب طیب ایردوغان تیک اوچر حادثه سیده حیاتینی یوقاتگن ایران جمهور باشلیغی ابراهیم رئیسی اوچون قیغوداشلیک پیامی ترقه تدی.

ایردوغان اجتماعی ترماق آرقه لی نشر قیلگن پیامیده،

"افسوسکی یوزبیرگن تیک اوچر حادثه سیده قدرلی کسبداشیم، ایناغم، ایران اسلام جمهوریتی جمهور باشلیغی حرمتلی ابراهیم رئیسی گه الله تعالی دن مفغرت تیله یمن.

مرحوم رئیسی بیلن بیر تیک اوچرده حیاتینی یوقاتگن ایران تشقی ایشلر وزیری و ایریم کیشیلرگه الله تعالی دن مغفرت تیله یمن.

ایران اسلام جمهوریتی نینگ دینی رهبری حرمتلی علی خامنه یی قاله ویرسه دوست و قرداش ایران خلقی گه، حکومتی گه، حرمتلی رئیسی نینگ و ایریم مرحومیلرنینگ عایله لریگه چقور قیغوداشلیک بیلدیره من.

وظیفه ده بولگن مدتده ایران خلقی نینگ و منطقه میزنینگ تینچلیگی اوچون آلیب بارگن اورونیشلریگه شاهدلیک قیلگن کسبداشی اوله راق حرمتلی رئیسی نی حرمت و منتدارلیک بیلن یاد ایته من.

"تورکیه اوله راق کوپلب مرته بولگندیک بو قیین و ماتم کونلریده هم قوشنیمیز ایران نینگ یانیده بوله میز." دیب ایتدی.  

جمهور باشلیغی ایردوغان، پایتخت انقره ده 26- دور عدلی قضا و 16 – دور اداری قضا قرعه مراسمی گه قیلگن اوز صحبتیده هم ایران جمهور باشلیغی رئیسی و تشقی ایشلر وزیری حسین امیر عبداللهیان نینگ حیاتینی یوقاتگن تیک اوچر حادثه سینی تیلگه آلدی.

ایردوغان "ایرانلیک قرداشلریمیزنینگ بو جریان نی قدیم و کوچلی دولت عنعنه لریگه مناسب روشده باشقره جکلریگه یوراکدن ایشانه من. تورکیه اوله راق بیز هم هردایم بولگندیک بو قیین کونلریده دوست وقرداش ایران خلقی نینگ یانیده بوله میز.

ینه بیر مرته ایران اسلام جمهوریتی نینگ دینی رهبری حرمتلی علی خامنه یی قاله ویرسه دوست و قرداش ایران خلقی گه، حکومتی گه، حرمتلی رئیسی نینگ و ایریم مرحوملرنینگ عایله لریگه چقور قیغوداشلیک بیلدیره من." دیب گپیردی.