اوزبیکستان ده اروپا شرکتلری اوچون خاص بیر ساحه یراتیله دی

اوزبیکستان ده هنگری و اروپا شرکتلری اوچون خاص و مستقل بیر اقتصادی ساحه یراتیلشیدن خبر بیریلدی.

اوزبیکستان جمهور رئیسلیک دفتری تامانیدن بیریلگن بیاناتده، جمهور باشلیغی شوکت میرضیایف اوچره شوولر اوتکزیش اوچون بو اولکه گه تشریف بیورگن هنگری تشقی ایشلر و تشقی تجارت وزیری پیتر سیجارتونی قبول قیلیب اوچره شگن لیگی بیلدیریلدی.

ملاقاتده، میرضیایف بیلن سیجارتو ایککی اولکه اورته سیده گی علاقه نینگ کوچه یتیریلیشینی تیلگه آلرکن تامانلر صنایع، داری صنایعی، تعلیم، زراعت، بلیقچیلیک، لوجستیک و ایریم ساحه لرده گی همکارلیکلرنینگ کوپراق رواجلنتیریلیشی حقیده فکر المه شووی عملگه آشیرگن.

هنگری و اروپا شرکتلری نینگ سرمایه کیریتیش پروژه لری اوچون تاشکینت نینگ یقینیده خاص مستقل اقتصادی منطقه نینگ تیزده فعالیت گه اوتیشی نینگ اهمیتی گه دقت تارتیلگن خوددی شو اوچره شووده اوزبیکستان بیلن هنگری نینگ تورک دولتلری تشکیلاتی قاله ویرسه خلق ارا منطقوی موسسه لر دایره سیده گی همکارلیکلری تیکیشیریب چیقیلگن.

سیجارتو اولکه ده گی اوچره شوولری دایره سیده اوزبیکستان تشقی ایشلر وزیری بختیار سعیدوف بیلن هم ملاقات قیلیب ایککی اولکه اورته سیده گی همکارلیک نینگ تاباره کینگه یتیریلیشی حقیده گپیرگن.

اوچره شوونینگ آرتیدن سیجارتو بیلن سعیدوف اوزبیکستان – هنگری نینگ تشقی ایشلر وزیرلیکلری اورته سیده 2024 – 2026 ییللریگه تیگیشلی همکارلیک پروگرامی بیلن ایککی اولکه حکومتلری اورته سیده قیته ایشلنه دیگن انرژی منبعلری نینگ رواجلنتیریلیشی ساحه لری همکارلیگی بوییچه بیتیم گه قول قویگن.