پاکستانده پارتلش عاقبتیده کوپلب کیشی حیاتینی یوقاتدی و یره لندی

پاکستان نینگ خیبر پختونخوا ایالتیده باله لر نی فلج گه قرشی واکسین قیلیاتگن (ایمله یاتگن) ساغلیق نی سقلش پرسونلی نینگ خوفسیزلیگی نی تامین ایتیاتگن امنیتی پرسونل گه قره ته اویوشتیریلگن بمبی هجومده 6 نفر پولیس حیاتینی یوقاترایکن, 23 پولیس ایسه یره لندی. 

ترقه تیلگن خبرلرگه کوره, ایالت نینگ بجور منطقه سیده باله لر نی فلج گه قرشی ایمله یاتگن پرسونل نینگ امنیتی نی تامین ایتیاتگن خوفسیزلیک کوچلری نینگ موتری گه قره ته بمبی هجوم اویوشتیریلدی. 

اوشبو حادثه عاقبتیده 6 پولیس حیاتینی یوقاتدی و 23 پولیس ایسه یره لندی. 

اوتکینچی حکومت نینگ باش وزیری انورالحق کاکر, اوشبو حادثه نی قتتیق قاره لرایکن, باله لر فلجی کسللیگی یوق بولگونگه قدر ایمله ش ایشلری نینگ دوام ایته دیگن لیگینی بیلدیردی. 

پاکستان طالبانی اوشبو هجوم نینگ مسئولیتی نی اوز بوینی گه آلدی.

پاکستان طالبانی جنگری لری, باله لر فلجی گه قرشی ایملش تیم لری نینگ امنیتی نی تامین ایتیاتگن پولیس لرنی هدف قیلیب آلماقده. 

پاکستان طالبانی, اوشبو ایمله ش نینگ, "باله لرنینگ عقیم قیلینیشی اوچون غرب اولکه لری تامانیدن قیلینیاتگن ایشدن عبارت" ایکن لیگینی ادعا ایتماقده. 

پاکستان, میلادی 1994- ییلده باشله تیلگن ایمله ش کمپاینی دایره سیده ییللیق اورته چه 20 مینگ بولگن واقعه سانی نی میلادی  2017- ییلده 8 گه قدر توشیرگن ایدی.  میلادی 2017- ییلدن کیین واقعه لر سانی آرتیب کیتگن پاکستانده میلادی 2018- ییلده 12, 2019- ییلده 147 و 2020- ییلده 84 واقعه انیقلنگن ایدی.  میلادی 2022- ییلده ایسه واقعه لر سانی پاکستانده 20 ته گه توشیریلگن ایدی.