پوتین ایران گه قیغوداشلیک بیلدیردی

روسیه دولت باشلیغی ولادیمیر پوتین، ایران نینگ کرمان شهریده اویوشتیریلگن ترورچیلیک هجومینی قاره له دی.

کرملین تامانیدن بیریلگن بیاناتگه کوره، پوتین ایران نینگ دینی رهبری علی خامنه ای و ایران جمهور باشلیغی ابراهیم رئیسی گه جونتگن پیامده، کرمان ده گی ترورچیلیک هجوم نینگ تراژیدی نتیجه لری طفیلی قیغوداشلیک بیلدیرگن.

پوتین تینچ اهالی نینگ اولدیریلیشی نینگ آغیرلیگی و شفقتسیزلیگی طفیلی لرزه گه توشگن لیگینی ایتدی.

پوتین "تورلی ترورچیلیک حرکتینی قاره له یمیز. بیز بو علت گه قرشی تینمه ی کوره شیمیزنی ینه بیر مرته تاکییدله یمیز" دیب ایتگن.

ایران نینگ کرمان ولایتیده انقلاب محافظلری اردوسی قدس کوچی سابق قومندانی قاسم سلیمانی نینگ قبری نینگ یقینیده یوزبیرگن پارتلیش عاقبتیده 95 کیشی حیاتینی یوقاتدی.