ایران خارجی اسیرلرنینگ قوییب یوباریلیشی اوچون حماس بیلن اوچره شوو اوتکزدی

ایران اسرائیل وطنداشی بولمه گن اسیرلرنینگ قوییب یوباریلیشی بوییچه حماس بیلن سوزلشگن لیکلرینی بیلدیردی.

ایران نینگ رسمی خبر آژانسی ایرنا خبر بیریشیچه، ایران تشقی ایشلر وزیرلیگی سوزچیسی ناصر کینانی هفته لیک مطبوعاتی کنفرانسیده کون ترتیبی بوییچه سواللرگه جواب قیتردی.

کینانی "اسیرلر ایچیده وطنداشلری بولگن بعضی بیر اولکه لرنینگ طلبلریگه بناً اسرائیل وطنداشلری بولمه گن و توقنه شووگه تامان بولمه گن اسیرلر توغریسیده ایران بیلن حماس سوزلشوو اوتکزدی. حماس دن اولیملی وعده آلدیک." دیدی.

ایرانلیک سوزچی امریکا قوشمه ایالتلری نینگ عراق ده گی حربی مرکزلریگه قره ته هجوملرگه تیگیشلی ایسه "بعضی بیر اولکه لر بی ملال صهونیست رژیم نی قوللب – قوتله ماقده. منطقه ده بحراننی قوللب – قوتلش عکس العمل گه سبب بوله دی. نیمه ایکسنگیز اونی اوره سیز." دیب گپیردی.

حزب الله نینگ اوروش گه اره لشیش احتمالی حقیده بیر سوال گه کینانی، حزب الله باش کاتبی حسن نصرالله جمعه کونی قیله دیگن صحبت گه اشاره قیلیب، "مین هم نصرالله نینگ صحبتینی کوته من." دیب ایتدی.

حماس نینگ حربی ترماغی قسام کوچلری 7 اکتوبرده اسرائیل گه قره ته «اقصی طوفانی» آتیده کینگ بیر هجوم باشلتگن لیگینی بیلدیرگندی. غزه دن اسرائیل تامان مینگلب راکت آتیلر ایکن قوراللی جنگریلر هم منطقه ده گی توررجایلرگه کیریب بارگندی.

اسرائیل اردوسی هم حربی اوچاقلر آرقه لی غزه نواریگه قره ته تیمیر قیلیچلر عملیاتینی باشلتگن لیگینی معلوم قیلگندی.

یوزبیرگن خوددی شو بحرانده ایککی تاماندن مینگلب تلفات بار.