ایرانده قوراللی هجوم عاقبتیده کوپلب کیشی حیاتینی یوقاتدی و یره لندی

ایران نینگ شیراز شهریده جایلشگن شاه چراغ تربتی گه قره ته اویوشتیریلگن قوراللی هجوم عاقبتیده 4 کیشی حیاتینی یوقاتدی و 8 نفر ایسه یره لندی. 

فارس والی لیگی تامانیدن بیریلگن بیاناتده, هجومده حاضرگه چه 4 کیشی نینگ حیاتینی یوقاتگن لیگی و 8 نفر نینگ ایسه یره لنگن لیگی بیلدیریلدی.

بیاناتده, محلی وقت بیلن کیچقرون ساعت 7 دن 30 دقیقه اوتگنده ایکّی نفر هجومچی نینگ تربت نینگ دخولی بولیمیده گی عادی اهالی گه قره ته اوق اوزگن لیگی بیلدیریلرایکن, هجومچی لردن بیری نینگ یره لنگن لیگی و باشقه سی نینگ ایسه قاچگن لیگی معلوم قیلیندی. 

هجوم آرتیدن تربت نینگ دخولی قسم لری نینگ یاپیلیب, تربت تیگره گیده جدی خوفسیزلیک تدبیر لری نینگ آلینگن لیگی بیلدیریلدی. 

میلادی 2022- ییل 26- اکتوبر کونی شاه چراغ تربتی گه قره ته 3 نفر ترورچی تامانیدن اویوشتیریلگن قوراللی هجوم عاقبتیده 13 کیشی حیاتینی یوقاتگن ایدی. 

ترور تشکیلاتی داعش اجتماعی ترماق آرقه لی ترقه تگن یازمه بیاناتیده اوشبو حمله نینگ مسئولیتی نی اوز بوینی گه آلگن ایدی. 

خوددی شوو هجوم نینگ فاعل لری دن ایکّی نفری 8- جولای کونی اعدام ایتیلگن ایدی.