ایران چیت ایل استخباراتی بیلن همکارلیک قیلیاتگن کیشی لرنی اوشله دی

ایران, چیت ایل استخباراتی بیلن همکارلیک قیلیاتگن بیر شبکه نی خنثی قیلگن لیگی و اعضالری نی اوشله گن لیگینی معلوم قیلدی. 

میزان خبر آژانسی, ایران استخبارات وزیرلیگی گه تَیَنتیریب بیرگن خبریده, چیت ایل استخباراتی بیلن همکارلیک قیلیاتگن بیر شبکه نینگ خنثی قیلینگن لیگینی بیلدیردی.

خبرده, خنثی قیلینگن اوشبو شبکه نینگ, ایران نینگ ایچی و تشقریسیده یشیاتگن ایران لیک لرنینگ معلومات لرینی قولگه کیریتماقچی بولگن دشمن استخباراتی نینگ "کتته پروژه سی نینگ" بیر بولگی دن عبارت بولگن لیگی ادعا ایتیلدی. 

اوشبو شبکه نینگ ایرانلیک مسئول لر و اولکه نینگ حساس اداره لریده گی مهم معلوماتلرنی قولگه کیریتیش گه حرکت قیلگن لیگی, خوددی معلومات لرنی تامین ایتیش مقصدیده دولت اداره لریده گی کیشی لر بیلن هم ارتباط قورگن لیک لری معلوم قیلیندی.

خبرده, محکمه نینگ حکمی گه بناً خوددی شوو شبکه نینگ برچه اعضالری نینگ اوشلنگن لیگی بیلدیریلدی.