بیرقطار اروپا اولکه سی ایران نینگ اتوم پروگرامینی کینگه یتیریش قرارینی قاره له دی

انگلستان، فرانسه و آلمان، ایران نینگ اتوم پروگرامینی کینگه یتیریش قرارینی قاره له دی.

انگلستان، فرانسه و آلمان تامانیدن بیریلگن بیاناتده، خلق ارا اتوم انرژی باشقرمه سی هم تایید ایتگن ایران نینگ اتوم پروگرامینی تاباره کینگه یتیریش بوییچه آتگن سونگگی آدیمینی قاره له گن لیگی قید ایتیلدی.

بیاناتده، ایران نینگ ایشلب چیقریش ظرفیتینی مشترک حرکت ایتیش پلانی حدودیدن انچه یوقاری گه کوتریب و بایلشتیریلگن اورانیوم تولیدینی تیزلشتیریب اوشبو ریجه نینگ ایچینی پوچ گه چیقریش اوچون مهم آدیملر آتگن لیگی افاده ایتیلدی.

اینیقسه فردو یاقیلگیسینی بایلشتیریش فابریکه سیده گی ییر آستی کارخانه سیده "حددن آشه بایلشتیریلگن اورانیوم کوپه یتیریش قراری نینگ خواطرگه سبب بولگن لیگی گه دقت تارتیلدی.

بیاناتده "ایران نینگ بو آدیمی گلوبال هسته ای قوراللری نینگ ییره ب باریشی گه توسیق بولیش سیستمی گه بها بیرمسلیک دیر. هسته ای قوراللرنینگ ییره ب باریشی بیلن تیگیشلی جوده مهم ریسکلر تشکیل ایتگن بو آدیم نینگ ایشانچلی بیر انسانی سببی یوق دیر. ایران نینگ حرکتلری بوندن 5 آی آلدین ایران نینگ JCPOA بیلن علاقه لی برچه شفافلیک دن قول تارتگن لیگی خواطرگه چومماقده دیر. ایران نینگ دوام ایتیب تورگن هسته ای کینگه ییش حرکتلرینی خلق ارا اورتاقلریمیز بیلن مصلحتلشیش گه دوام ایته میز" دییلدی.