اوزبیکستانده تورک دولت لری رهبرلری ییغیلیشی بولیب اوتدی

اوزبیکستان نینگ سمرقند شهریده "تورک مدنیتی اوچون ینگی دور: اورتاق رواجله نیش و رفاه تمان" عنوانی بیلن تورک دولت لری رهبر لر ییغیلیشی بولیب اوتدی.  اوتگن ییل باشلیغی بولگن تورکیه میزبانلیگیده گی استانبول ییغیلیشیده تورک کینگشی بولگن آتی نی تورک دولت لری تشکیلاتی اوله راق اوزگرتیرگن و 2040 هدفی حجتی نی قبول قیلگن تشکیلات نینگ سمرقند ده گی ییغیلیشیده قنده ی بیر هدف نی مطرح قیله دیگن لیگی و تورک دنیا سیده گی همکارلیک و بیرله شیش بوییچه قنده ی قدم لرنینگ تشله نه دیگن لیگی توغریسیده باش قاتیریلماقده ایدی.  103 ماده لیک سمرقند بیلدیروی نینگ محتواسی جوده کینگ. 

اوشبو ییغیلیش بیلن علاقه لی اینگ مهم ینگیلیک لر دن بیری البته که شمالی قبرس تورک جمهوریتی نینگ ناظر اعضا عنوانی ایگه بولیشی دن عبارت.  بیلدیرو نینگ 7- ماده سیده قبرس تورک لری تورک دنیا سی نینگ بیر بولگی اوله راق قبول قیلینرایکن, شمالی قبرس تورک جمهوریتی گه ناظر اعضا عنوانی نینگ بیریلیشی  شمالی قبرس تورک جمهوریتی گه قره تیلگن تجرید نینگ بیکار قیلینیشی جهتی دن مهم و تورکیه دن تشقری تورک دولت لری تشکیلاتی اعضا لری جهتی دن هم جسورانه بیر ینگی لیک دن عبارت. 

عینی دمده آذربایجان جمهوررئیسی الهام علی اف نینگ معروضه سیده اوتگن و تقریباً همه تامانیدن تائید ایتیلگن  "تورک دنیا سی جغرافی چیگره لری نینگ بوندن هم کینگیش ایکن لیگی" سوزی آرتیدن, "تورک دولت لری تشکیلاتی اعضاسی اولکه لر نینگ تشقریسیده یشیاتگن تورک لر نینگ حق, خوفسیزلیک و ملی کیم لیک لری نینگ قورینیشی, اوز کیملیک لری نی قولدن بیریب قویمس لیگی" کبی موضوع لر نینگ تورک دولت لری تشکیلاتی دایره سیده قوللب – قوتله نیشی چقیریغی بیر جهت دن تورک دولت لری تشکیلاتی دایره سیده آذربایجان تامانیدن ایران گه بیریلگن انیق بیر پیام خصوصیتی گه ایگه. 

سونگّی پیتلرده کیلیشموچیلیک لرنینگ یوز بیرگن قیرغزستان- تاجیکستان چیگره معما سی بیلن علاقه لی خلق ارا حقوق دایره سیده قیرغزستان نینگ قوللب- قوتله نیشی بوییچه پیام لرنینگ بیریلگن بیلدیروده, عینی دمده قاچاق مهاجرت و تروریزم گه قرشی کوره ش و افغانستانده برقرارلیک نینگ تامین ایتیلیشی کبی موضوع لر گه اورین اجره تیلدی. 

بوندن تشقری تورک دولت لری تشکیلاتی نینگ رواجله نیشی و همکارلیک نینگ چقورله شیشیده اهمیت بیریلیشی کیره ک بولگن فکتور لردن بیری هم اوشبو تشکیلات اعضاسی اولکه لرنینگ مذکور تشکیلات تشقریسیده گی جغرافیه لر بیلن قورگن ارتباط لری دن عبارت.  اوشبو خصوصده کوپلب ارتباط لرنینگ موجود بولیشی گه قره مسدن, بیرته گینه تورکیه بیلن آذربایجان اورته سیده گی مناسبت لرنی کوریب چیقیش نینگ اوزی ییترلی بوله دی.  سونگّی پیتلرده بیرته گینه تورکیه بیلن آذربایجان اورته سیده گی مناسبت لر بوییچه یوز بیریاتگن مثبت ینگیلیک لر نینگ اوزی نینگ هم, تورک دولت لری تشکیلاتی دایره سیده گی همکارلیک جهتی دن ایجابی رول اوینه شی ممکن.

عینی دمده اعضا دولت لر نینگ رهبر لری نینگ ارتباط لری و تشبث لری هم مهم.  حتی رهبر لرنینگ آلیب باریاتگن سیاست لری بیلن تورک دولت لری تشکیلاتی دایره سیده گی همکارلیک میزانی نینگ آرتیریلیشی بوییچه اینگ مهم فکتور بولیشی ممکن.  تورک دولت لری تشکیلاتی رهبرلیگی و اعضا دولت لر نینگ تخنیک هیئت لری, رهبر لرنینگ هدف لری و کورستمه لری بیلن دوسیه لری گه ایگه لیک قیلیب عملی بولیشی اوچون جدی روشده سعی و حرکت قیله دی. 

اوشبو دایره ده تورکیه نینگ قیلگن فعالیت لری و جمهوررئیس اردوغان رهبرلیگی نینگ تورک دولت لری تشکیلاتی نینگ سونگّی پیتلرده اهمیتی نینگ آرتیریلیشی بوییچه رول اوینه گن لیگی نی ایسدن چیقارمس لیک کیره ک.  عینی دمده آذربایجانده علی اف, قزاقستانده (نظربایف و باشقه لری) توکایف, قیرغزستانده جباروف و اوزبیکستانده ایسه میرضیایف نینگ تورک دولت لری تشکیلاتی نینگ رواجله نیشیده مهم رول گه ایگه ایکن لیگی بیلینماقده.  ناظر اعضا دولت دن عبارت هنگری نینگ باش وزیری اوربان هم اوشبو پروسه ده اویغون بیر سیاست آلیب بارماقده.