تورکیه تورت آیده اون بیر میلیون دالرلیک چای صادر قیلدی

تورکیه نینگ جاری ییل جنوری بیلن اپریل آی لری آره سیده قیلگن صادراتی 39 فایز گه آشیب 11 میلیون 365 مینگ 591 دالر گه کوتریلیب کیتدی. 

شرقی قاره دینگیز صادراتچی لر بیرلیگی رهبرلیک کینگشی باشلیغی  نینگ اورینباسری احمد حمدی گوردوغان, تورکیه نینگ 4 آیده 98 اولکه, خودمختار و ایرکین منطقه گه چای ساتگن لیگینی بیلدیردی. 

گوردوغان, میلادی 2023- ییل جنوری- اپریل آی لریده 2 مینگ 323 تن چای صادراتی دن 11 میلیون 365 مینگ 591 دالر عاید قولگه کیریتیلگن لیگینی معلوم قیلدی. 

تورکیه نینگ اوتگن ییل نینگ خوددی شوو دوری ده 2 مینگ 458 تن چای صادراتی دن 8 میلیون 192 مینگ 169 دالر عاید قولگه کیریتگن لیگینی بیلدیرگن گوردوغان, اوز سوز لرینی قوییده گیچه دوام ایتدیردی:

"اوتگن ییل نینگ خوددی شوو دوری بیلن سالیشتیریلگنده چای صادراتی میز 39 فایز گه آشدی.  بلجیم, امریکا قوشمه ایالتلری و بریتانیا اینگ کوپ صادرات قیلینگن 3 نقطه دن عبارت بولدی. اوشبو دور نینگ اوزیده  بلجیم گه 4 میلیون 765 مینگ 324, امریکا قوشمه ایالتلری گه 1 میلیون 934 مینگ 866 و بریتانیا گه ایسه 953 مینگ 309 دالرلیک چای صادر قیلیندی."

گوردوغان, صادرات نینگ آرتیشی بیلن بیر قطارده, صادر قیلینگن اولکه لر سانی نینگ هم آرتگن لیگینی معلوم قیلرایکن, اوشبو دورده سلواکیا, مکسیکو, اسپانیا, ایتالیا, گابون, پانامه, اندونزیا, مالزیا, تایوان, پرتگال, آنگولا, گامبیا, توگو و رواندا گه هم چای ساتیلگن لیگینی بیلدیردی.