ایردوغان کشف ایتیلگن طبیعی گاز اوچون دینگیزگه دستلبکی قووور جایلشتیریش مراسمیده سوز یوروتدی

جمهور باشلیغی رجب طیب ایردوغان؛ قاره دینگیزده گی طبیعی گاز بیلن تیگیشلی "2023 ییلی نینگ بیرینچی چاره گیده دستلبکی تولید ایتیه دیگن کونده لیک 10 میلیون متر مکعب طبیعی گازنی ملی ییتکیزووچی تیزیم گه قوشگن بوله میز" دیدی.  

جمهور باشلیغی ایردوغان، زونگولداک ولایتی فیلیوس بندریده "قاره دینگیز گازی اوچون دینگیزگه دستلبکی قووور جایلشتیریش مراسمی" گه قتنشدی.

ایردوغان بو جایده گی صحبتیده تورکیه نینگ اینگ بویوک طبیعی گاز کشفی بولمیش قاره دینگیز گازیده مهم بیر باسقیچ گه ییتیب باریش نینگ حیجانی ایچیده ایکن لیگینی معلوم قیلیب بوندن 2 ییل مقدم محلی گازنینگ 2023 ییلی ملت نینگ خذمتی گه تقدیم ایتیش مژده سینی بیرگن لیکلرینی ایسله تیب اوتدی.

جمهور باشلیغی ایردوغان، "2023 ییلی نینگ بیرینچی چاره گیده دستلبکی تولید ایتیه دیگن کونده لیک 10 میلیون متر مکعب طبیعی گازنی ملی ییتکیزووچی تیزیم گه قوشگن بوله میز. سکاریا گاز ساحه سی بوتونله ی تولید باسقیچی گه انشالله 2026 ییلی اوته دی. بوندن کیین آچیله دیگن 40 ته قودوق بیلن بیرگه لیکده کونده لیک گاز تولید ظرفیتیمیزنی 40 میلیون متر مکعب گه ییتکیزیش نی مقصد قیلیب آلماقده میز" دیدی.