تورکیه نینگ تعرض پیلوتسیز اوچاغی تست دن موفقیت بیلن اوتدی

تورکیه نینگ بایکار شرکتی تامانیدن ایشلب چیقاریلگن تعرض پیلوتسیز اوچاغی نینگ ایککینچی پروتوتایپی, چورلو هوا میدان قوماندانلیگی ده جایلشگن بیرقدار آقینجی اوچیش و تعلیم مرکزی ده ایککینچی اوچیش تستی دن موفقیت بیلن اوتدی. 

بایکار تامانیدن بیریلگن بیانات گه کوره, بایکار تخنیک مدیری سلجوق بیرقدار باشچیلیگیده بولگن تست ده اوشبو اوچاق 20 فیت ارتفاع ده (تقریباً 6,1 کیلومتر) 2 ساعت 26 دقیقه هوا ده قالدی. 

هیچ قنده ی بیر معما گه دوچ کیلمسدن کیلیب قونگن اوشبو اوچاق نینگ ایککینچی پروتوتایپی نینگ ایککینچی, توپلم ده ایسه تورتینچی اوچیش تستی هم موفقیت بیلن تکمیل بولگن بولدی. 

اوشبو اوچاق, بیرینچی پروتایپی بیلن دستلبکی اوچیشی نی 2019- ییل 6 دسامبر ده عملگه آشیرگن ایدی. 

تست دایره سیده 16 دقیقه لیک بیر مدت بیلن هوا ده قالگن اوچاق, 2020- ییل 10 جنوری ده هم سیستمی نینگ تصدیق له نیشی تستی اوچون 1 ساعت 6 دقیقه اوچگن ایدی.

جاری ییل نینگ سونگگی گه قدر مشتری لر گه تاپشیریلیشی ریجه لنگن اوشبو اوچاق نینگ اوچینچی پروتوتایپی ایش لری نینگ تکمیل بولیشی بوییچه پروسه بایکار ملی قوراللی پیلوتسیز اوچاق لر تحقیقات و ایشلب چیقاریش مرکزی ده دوام ایتماقده. 

اوچینچی پروتوتایپ هم تکمیل بولیشی آرتیدن تست اوچیش لری اوچون چورلو هوا میدان قوماندان لیگی گه یوباریله دی.