تورکیه نینگ مطبوعات خلاصه لری

ستار گزیته سی: " جمهور باشلیغی ایردوغان اروپا بیرلیگی گه پیام بیردی" سرلوحه سی بیلن خبر بیردی.

گزیته جمهور باشلیغی رجب طیب ایردوغان نینگ اروپا بیرلیگی کونی مناسبتی بیلن پیام ترقه تگن لیگینی یازماقده. گزیته ایردوغان نینگ پیامیده اروپا بیرلیگی نینگ سیاستی گه دقت تارتگن لیگینی ایردوغان نینگ" اولکه میزگه قره ته یکّه لاوچی سیاستلرگه قرشی تورکیه اوله راق ایگه بولگن ستراتیژیک امکانیت و ظرفیتلریدن ایش آلیشدن و رواجلنتیریشدن قول تارتمه یدی." دیب ایتگن لیگینی یازماقده.

خبرتورک گزیته سی: " ایردوغان برازیل نینگ فلسطین گه تیگیشلی یانداشووی تقدیرگه سزاوار" سرلوحه سی بیلن خبر بیردی.

جمهور باشلیغی رجب طیب ایردوغان برازیل دولت باشلیغی لوله بیلن تیلفون سوزلشووی اوتکزدی. ایردوغان برازیل نینگ اسرائیل تامانیدن فلسطین توپراقلریده قول اوریلگن وحشت گه قرشی آلیب بارگن یانداشووی نینگ تقدیرگه سزاوار ایکن لیگینی ایتدی دیب یازماقده.

یینی شفق گزیته سی: " تورکیه اسرائیل گه قره ته چیکلاو قراری نینگ آرقه سیده تورماقده" سرلوحه سی بیلن خبر بیردی.

گزیته تجارت وزیری عمر بولات نینگ اسرائیل تشقی ایشلر وزیری اسرائیل کتزنینگ "تورکیه صادرات چیکلاوینی کوتریب تشله دی" دیگن ادعالریگه جواب بیردی. بولات "اسرائیل تشقی ایشلر وزیری نینگ بیاناتلری توغری ایمس. اسرائیل بیلن تجارت توغریسیده حکومت اوله راق بیز آلگن قرارنینگ آرقه سیده تورگن میز." دیگن لیگینی یازماقده.

حریت گزیته سی: " تورکیه نینگ چیکلاو قراری اسرائیل نینگ کون ترتیبیده " سرلوحه سی بیلن خبر بیردی.

گزیته اسرائیل نینگ ییتکرمه سیده تورکیه نینگ اسرائیل بیلن تجارتنی توخته تیشی نینگ آنی بیر قرار بولگن لیگینی و بونینگ حیات قیینچیلیگی گه تاثیر قالدیره جگینی بیلدیرگن لیگینی شونده ی بولیب دیجتال تداریک زنجیری مدیری ایلاد بارشان نینگ "بو بیزنینگ تداریک زنجیریمیزنینگ اینگ کوچسیز جاییدن ضربه اوردی" دیگن لیگینی یازماقده.

صباح گزیته سی: " تورک هوا یوللری نینگ یولاوچی سانی 25 میلیون گه ییتدی" سرلوحه سی بیلن خبر بیردی.

گزیته تورکیه نینگ مهم شرکتی توک هوا یوللری نینگ 2023 ییلی جنوری – فبروری باسقیچیده 23،6 میلیون بولگن یولاوچی سانی جاری ییل نینگ خوددی شو باسقیچیده 8 فایز کوپه ییب 25،5 میلیون گه ییتدی دیب یازماقده.