تورکیه نینگ مطبوعات خلاصه لری

یینی شفق گزیته سی: انقه 100 میلیون دالرلیک صادرات قیلیش گه موفق بولدی " سرلوحه سی بیلن خبر بیره دی.

خبرگه کوره تورکیه هواچیلیک و فضا صنایعی (توساش) مالزیاگه 100 میلیون دالرلیک 3 ته انقه (هیداوچیسیز هوا واسطه سی) سیستمی صادر قیله دی.

صباح گزیته سی: " انرژی و طبیعی منبعلر وزیری فاتح دونمز اروپاده 5 – دنیا مقیاسیده 12 – قطارده میز" سرلوحه سی بیلن خبر بیره دی.

خبرگه کوره انرژی و طبیعی منبعلر وزیری فاتح دونمز قیته تیکلنه دیگن انرژیده اروپاده 5 – دنیا مقیاسیده 12 – قطارده میز. شو وقت انرژیمیزنینگ 55 فایزی قیته تیکلنه دیگن انرژی منبعلریدن تامین ایتیلماقده" دیدی.

ستار گزیته سی: "ایران دن طبیعی گاز بیلن تیگیشلی قیزیق بیانات " سرلوحه سی بیلن خبر بیره دی.

خبرگه کوره ایران ملی طبیعی گاز شرکتی باشلیغی مجید چگنی اولکه سی نینگ اروپاگه طبیعی گاز صادر قیلیشی تقدیرده بونی تورکیه آرقه لی قیله جکلرینی افاده ایتدی.

حریت گزیته سی: "کوک بیراقلی پلاژ سانی 551 گه ییتدی " سرلوحه سی بیلن خبر بیره دی.

خبرگه کوره مدنیت و توریزم وزیرلیگی تامانیدن بیریلگن بیاناتگه کوره خلق ارا کوک بیراق ژوریسی تامانیدن 2023 ییلی کوک بیراق ساورینلری اعلان قیلیندی.جاری ییلده تورکیه 551 پلاژ 23 مرینا، 14 ته توریزم کیمه سی و 10 ته فردی کیمه ده کوک بیراق آسیله دی.  

خبرتورک گزیته سی "تورک بالیدن 4 آیده 13،5 میلیون دالر فایده قولگه کیریتیلدی " سرلوحه سی بیلن خبر بیره دی.    

خبرگه کوره تورکیه دن جنوری – اپریل باسقیچیده بولیب اوتگن بال صادراتی 13 میلیون 468 مینگ دالرگه ییتدی.