تورکیه مطبوعاتیدن خلاصه لر 28.03.2023

ستار روزنامه سی, فرانسه نینگ انقره ایلچیسی هروه ماگروه نینگ, ترور تشکیلاتی پ.ک.ک/وای پی جی منسوب لری نینگ فرانسه سناسیده کوتیب آلینیشی و اولر گه مدال بیریلیشی سببلی تورکیه جمهوریتی تشقی ایشلر وزیرلیگی گه چقیریلگن لیگینی بیلدیرماقده.

خبرده, ایلچی گه, ترور تشکیلاتی پ.ک.ک نینگ سوریه ده گی بولیمی دن عبارت وای پی جی و اونینگ عیال لر بوییچه قسمی بولگن وای پی ژی منسوب لری نینگ فرانسه سناسیده کوتیب آلینیب و "افتخار مدال لری بیریلیشی نینگ" تورکیه تامانیدن قبول ایتیله آلمه یدیگن بیر نرسه ایکن لیگی و بونینگ قتتیق قاره لنگن لیگی نینگ بیلدیریلگن لیگی معلوم قیلینماقده.

وطن روزنامه سی, تورکیه جمهوریتی ملی مدافعه وزیری خلوصی آقر نینگ, زلزله آرتیدن 60 مینگ سوریه لیک نینگ کونگیللی بیر شکلده وطن لری گه قیتیب کیتگن لیگینی بیلدیررایکن, "انسان لرنینگ چیگره لردن قاچاق بیر شکلده اوتیش لری گه هیچ بیر شکلده اجازت بیرمه یمیز.  بونده ی بیر نرسه نینگ بحث موضوعی بولیشی ممکن ایمس" دییه قید ایتگن لیگینی یازماقده. 

ینی شفق روزنامه سی, تورکیه جمهوریتی صنایع و تکنالوژی وزیری مصطفی وارانک نینگ, بیرقدار تی بی 3 بیلن علاقه لی بیرگن بیاناتیده, "تورک دینگیز کوچ لری نینگ اینگ کتته اوروش کیمه سیدن عبارت؛ دنیا نینگ ایسه ایلک قوراللی اوچووچیسیز اوچاق کیمه سی بولگن TCG-ANADOLU گه قونیب اوچه آله دیگن بیرقدار تی بی 3 لر, تورکیه نینگ ستراتیژیک اهمیتی نی آرتیره دی" دییه قید ایتگن لیگینی ایسلتماقده. 

حریت روزنامه سی, تورکیه جمهوریتی مدافعه صنایع سی باشلیغی نینگ, تورکیه نینگ اولاق دیب ناملنگن استیشنی نینگ ANKA اوچووچیسیز اوچاغی گه باغله نیب بیرینچی مرته 4.5G امکانیتی تامین ایتیب بیرگن لیگینی معلوم قیلگن لیگینی بیلدیرماقده. 

صباح روزنامه سی, اوتگن ییل نینگ خوددی شوو دوری بیلن سالشتیریلگنده جاری ییل نینگ جنوری بیلن فبروری آی لریده تورکیه نینگ دینگیز حلزونی صادراتی نینگ 62 فایز گه آشیب 3 میلیون 279 مینگ 143 دالر گه ییتگن لیگینی معلوم قیلماقده.