تورکیه مطبوعاتیدن خلاصه لر 27.01.2023

خبرتورک روزنامه سی, عدالت و توسعه حزبی نینگ سوزچیسی عمر چلیک نینگ, غربده بعضی نشرات اورگانلری نینگ تورکیه جمهوریتی جمهوررئیسی رجب طیب اردوغان نی هدف قیلیب آلیاتگنلیکلری گه قرشی عکس العمل کورستگن لیگی نی بیلدیرماقده. 

خبرده چلیک نینگ, "غربده گی ایریم نشرات اورگانلری جمهوررئیسی میزنینگ تشقی سیاستده مستقل بیر سیاست آلیب باریاتگنلیگی باعث راحتسیز ایکنلیگی نی انیق روشده بیلدیرماقده لر.  بولرنینگ قیلیاتگن ایشلری نشرات بوییچه فعالیت ایمس؛ ابتدایی بیر شکلده منفی تبلیغات قیلیشدن عبارت" دییه قید ایتگنلیگی ایسله تیلماقده. 

حریت روزنامه سی, تورکیه جمهوریتی تشقی ایشلر وزیری مولود چاووش اوغلی نینگ, سویدن ده قرآن کریم نینگ یاندیریب یوباریلیشی بوییچه بیرگن بیاناتیده, "سویدن حکومتی بو جیرکنچ ایش گه اجازت بیریب جرم گه اورتاق بولگن وضعیتده.  اصلی گه قره گنده بو جیرکنچ ایش بیر نفرت جرمی و عرقچی بیر فعالیتدن عبارت.  هیچ کیمسه نینگ بیز گه بونی سوز ایرکینلیگی دیب توشینتیریب بیریشی ممکن ایمس" دییه قید ایتگنلیگینی یازماقده. 

ینی شفق روزنامه سی, داعش گه قرشی کوره ش بهانه سی بیلن سوریه گه جایله شیب ترور تشکیلاتی پ.ک.ک نینگ فعالیتی اوچون شرایط تامین ایتیب بیریاتگن امریکا قوشمه ایالتلری نینگ داعش ترورچیلرینی هم حمایه لیاتگنلیگی نینگ رسمی روشده تائید ایتیلگن لیگینی معلوم قیلماقده. 

خبرده, تورکیه جمهوریتی تشقی ایشلر وزیری مولود چاووش اوغلی نینگ, تورکیه, سوریه نینگ شمالی نی ترورچیلردن تصفیه قیلرایکن, امریکا قوشمه ایالتلری نینگ ایسه مایک پمپئو نینگ سی آی ای باشلیغی بولگن پیتده داعش ترورچیلرینی افغانستان گه آلیب باریب جایلشتیرگن لیگینی بیلدیرگن لیگی گه دقت قره تیلماقده. 

ستار روزنامه سی, فلسطین دولت رهبری محمود عباس نینگ, اسرائیل نینگ هجومی عاقبتیده 9 نفر فلسطینلیک نینگ حیاتینی یوقاتگنلیگی باعث 3 کونلیک ماتم اعلان قیلگن لیگینی بیلدیرماقده. 

خبرده, تورکیه جمهوریتی تشقی ایشلر وزیرلیگی تامانیدن بیریلگن بیاناتده, "غربی نوارده آرتیب باریاتگن بحران و انسانلرنینگ حیاتینی یوقاتیاتگنلیگی سببلی قیغولی ایکن, عادی اهالی نینگ اولیمی گه سبب بولیاتگن بو هجوملرنی قتتیق قاره له یمیز" دییه قید ایتیلگنلیگی بیلدیریلماقده. 

صباح روزنامه سی, تورکیه جمهوریتی خزانه و مالیه وزیری نورالدین نباتی نینگ, تورکیه نینگ میلادی 2022- ییلی نینگ دستلبکی 3 ربعی ده اقتصادی کوچی نی 6,2 فایز گه آشیرگن لیگی و جی 20 اولکه لری آره سیده اقتصادی کوچی نی اینگ تیز آرتیرگن اولکه بولگن لیگی نی بیلدیرگنلیگی نی یازماقده.