تورکیه مطبوعاتیدن خلاصه لر 07.12.2022

خبرتورک روزنامه سی, تورکیه جمهوریتی جمهوررئیسی رجب طیب اردوغان نینگ, ایندی سیاست و اقتصاد ساحه سی بوییچه اوزی قرار قیله دیگن بیر تورکیه نینگ موجود ایکن لیگی نی بیلدیررایکن, "صادرات آرتدی. اقتصادی کوچ آرته باشله دی.  ایندی تورکیه دنیا ده اقتصادی کوچی آرتیب باریاتگن اولکه لر قطاریده اوچینچی و بیشینچی اورین نی ایگلله ماقده" دییه قید ایتگن لیگی نی معلوم قیلماقده.

ینی شفق روزنامه سی, Burson Cohn and Wolfe گه عاید دیجیتال دیپلماسی تدقیقات پلاتفرمی  دن عبارت  Twiplomacy نینگ,"توییتر ده گی اینگ کوچلی رهبر لر" عنوانی بیلن قیلگن بیر تحقیقی ده جمهوررئیس اردوغان نینگ پروفایلی نینگ, میلادی 2022- ییلده 2- اورین گه ایگه بولیب دنیا نینگ اینگ کوچلی توییتر حسابی دن عبارت بولگن لیگی نی بیلدیرماقده. 

خبرده, عینی دمده, اردوغان نینگ اوروپا ده گی اینگ کوچلی  سیاسی رهبر عنوانی نی اسره ب قالیاتگن لیگی ایسله تیلماقده. 

وطن روزنامه سی, جمهوررئیس اردوغان نینگ, آذربایجان- تورکیه اورتاق حربی تطبیقاتی نینگ موفقیت بیلن تکمیل بولیشی آرتیدن تلفن آرقه لی ایکله اولکه حربی لری گه قره ته بیرگن بیاناتیده, "بو تطبیقات هم کورستدی که بیز ایت بیلن تیرناق دیک میز.  هیچ کیمسه نینگ بیزنی اجره تیشی ممکن ایمس" دییه قید ایتگن لیگی نی یازماقده. 

ستار روزنامه سی, آذربایجان مدافعه وزیری ذاکر حسنوف نینگ, تورکیه قوراللی کوچ لری نینگ دنیا نینگ اینگ مهم اردو لری دن بیری ایکن لیگی نی بیلدیررایکن, آذربایجان اردوسی نینگ تورک اردوسی نی اورنک قیلیب آلیشی اوچون اصلاحات لر قیلینیاتگن لیگی نی بیلدیرگن لیگی نی معلوم قیلماقده. 

صباح روزنامه سی, تورکیه جمهوریتی تشقی ایش لر وزیری مولود چاووش اوغلی نینگ, یونان نینگ بحران نی آرتیروچی فعالیت لری گه قرشی عکس العمل کورستگن لیگی نی یازماقده. 

خبرده, یونان نینگ, قورالسیزلشتیریلگن ارال لرنینگ موقفی نی اخلال قیلیش دن وازکیچیشی کیره ک ایکن لیگی نی بیلدیرگن چاووش اوغلی نینگ, "یا یونان اوشبو خصوصده آرقه گه قدم تشله یدی یاکه بیز کوتیلمه گن بیر وقتده کیره کلی اجراات نی قیله میز" دییه قید ایتگن لیگی ایسله تیلماقده.