تی آر تی افریقا نشراتی باشله دی

تورکیه رادیو تلویزیونی (تی آر تی) و افریقا نشرات بیرلیگی نینگ تشبثی بیلن بولیب اوتگن تی آر تی افریقا 1- نشرات ییغیلیشیده تی آر تی نینگ نشرات گه باشله گن ینگی دیجیتال خبر پلاتفرمی دن عبارت تی آر تی افریقا تانیتیلدی. 

افریقا نشرات بیرلیگی اعضاسی تقریباً 30 اولکه چینل لری باشلیق لری و مطبوعات منسوب لری استانبولده گی اوشبو ییغیلیشنی کوزه تدی. 

ییغیلیشده معروضه قیلگن تورکیه جمهوریتی جمهوررئیسلیک علاقه لی باشقرمه سی نینگ باشلیغی فخرالدین آلتون, "تورکیه صفتیده, کیشی لر, جمعیت لر و دولت لر جهتی دن اینگ کتته تهدید لردن بیری بولگن ناتوغری معلومات گه قرشی کوره ش بوییچه کوچلی ظرفیتی میز داخل, مطبوعات و خبرچیلیک ساحه سیده گی برچه امکانیت لر و تجربه لری میز نی افریقا اولکه لری و افریقالیک قرداش لری میز بیلن اورتاقله شیش گه تیار میز" دییه قید ایتدی. 

آلتون, اوز سوز لرینی, "غرب نینگ افریقا بیلن علاقه لی تبعیض و منفی گپ و مفکوره لری گه قرشی الترناتیف بیر خبرچیلیک نی اویلش کیره ک ایکن لیگی گه ایشانماقده میز" شکلیده دوام ایتدیردی. 

آلتون, "تی آر تی نینگ اوتگن ییل می آییده باشله گن فرانسه تیلیده گی دیجیتال چینلی نینگ هم فرانسه تیلیده گپیره دیگن تقریباً 200 میلیون کیشی داخل, فرانسوی گپلاوچی اولکه لر گه تورکیه حقیده توغری معلومات لرنینگ ییتکزیب بیریلیشیدن تشقری, افریقا بیلن علاقه لی ینگیلیک لر نی فرانسوی تیلده دنیا گه توغری بیر شکلده ییتکزیش بوییچه هم امکانیت تامین ایتیب بیردی" دییه قید ایتدی. 

فخرالدین آلتون, اوز سوز لرینی قوییده گیچه دوام ایتدیردی:

"بوگون تی آر تی افریقا بیلن خلق ارا نشرات گه ینگی و کوچلی بیر نرسه قوشیمچه قیلگن تی آر تی, خلق ارا خبر پلاتفرم لری نینگ سانی نی 7 گه آرتیرگن بولدی.  تی آر تی افریقا, بو کتته قطعه نینگ فرهنگی, تاریخی, اجتماعی حیاتی, سیاسی ینگیلیکلری و توشینتیریلمه گن یوزی نی, شعاریده بیلدیریلگن لیگی دیک توشنتیریب بیریش اوچون اوز نشراتی نی باشله یدی". 

تی آر تی عمومی رئیسی محمد زاهد سوباجی هم, تی آر تی نینگ کوپلب فعالیت لری بیلن دنیا نینگ اینگ مهم نشرات اورگان لریدن بیری بولیش موقفی نی اسره لب قاله دیگن لیگی نی بیلدیردی.