امیرخان متقی اروپا اولکه لری نینگ افغانستانده گی بویوک ایلچی لیکلری نینگ قیته دن آچیشلرینی طلب ایتدی

طالبان اوتیش دوری حکومتی نینگ تشقی ایشلر وزیری اورینباسری امیرخان متقی اروپا بیرلیگی اولکه لری نینگ افغانستانده گی بویوک ایلچی لیکلری نینگ قیته دن آچیشلرینی طلب ایتدی.

متقی افغانستان نینگ جنوبیده جایلشگن قندهار ولایتیده اروپا بیرلیگی افغانستان بوییچه وکیلی توماس نیکلاسون و همراهیده گی هیئات بیلن اوچره شوو اوتکزدی.

طالبان اوتیش دوری حکومتی نینگ تشقی ایشلر وزیرلیگی سوزچیسی اورینباسری حافظ ضیا احمد اوچره شوولرنینگ محتواسی حقیده تویتر آرقه لی معلومات بیردی.

احمد، متقی نینگ افغانستان بیلن اروپا بیرلیگی اولکه لری نینگ دیپلوماتیک مناسبتلری نینگ کوچه یتیریلیشی اوچون کیره کلی آدیملرنینگ آتیلیشی و اروپا بیرلیگی اولکه لری نینگ کابل ده گی بویوک ایلچیلیک لری نینگ قیته دن آچیشلری بوییچه تشویق ایتیلیشلری کیره ک لیگینی ایتگن لیگینی قید ایتدی.

احمد شونده ی بولیب متقی نینگ اروپا بیرلیگی نینگ افغانستان گه تامین ایتیب بیرگن انسانپرورلیک یاردملر طفیلی منتدارچیلیک بیلدیرگن لیگینی معلوم قیلدی.

طالبان ییتکچیسی بیرگن معلوماتگه کوره اروپا بیرلیگی نماینده سی نیکلاسون ایسه طالبان اقتدارگه کیلیشی بیلن افغانستانده خوفسیزلیک نینگ تامین ایتیلگن لیگینی و فسادگه قرشی کوره ش بوییچه جدی آدیملرنینگ آتیلگن لیگینی افاده ایتگن.

نیکلاسون شونده ی بولیب افغانستان گه قره ته انسانپرورلیک یاردملرنی دوام ایتتیریشلریدن خبر بیرگن.

اروپا بیرلیگی اولکه لری 2021 ییلی 15 آگست تاریخیده طالبان نینگ افغانستان باشقرووینی قولگه کیریتیب آلیشی نینگ آرتیدن بویوک ایلچیلیکلرینی یاپیب قویگندی.