یوناما آیبیک شهریده گی حادثه بیلن تیگیشلی معلومات ترقه تدی

افغانستان نینگ شمالیده جایلشگن سمنگان ولایتی آیبیک شهریده گی بیر مدرسه ده یوزبیرگن قتّیق پارتلش عاقبتیده کمیده 19 کیشی نینگ حیاتینی یوقاتگن لیگی بیلدیریلدی.

بیرلشگن ملتلر تشکیلاتی افغانستان یاردم باشقرووی (یوناما) تامانیدن تویتر ترماغی آرقه لی بیریلگن بیاناتده، سمنگان ولایتی نینگ مرکزی آیبیک شهریده گی جهادیه مدرسه سیده یوزبیرگن پارتلش بیلن تیگیشلی قولگه کیریتیلگن معلوماتلر ترقه تیلدی.  

یوناما گروهی تامانیدن آلیب باریلگن تیکشیروو نتیجه سیده خوددی شو پارتلش عاقبتیده کمیده 19 کیشی نینگ حیاتینی یوقاتگن لیگی، 23 کیشی نینگ یره لنگن لیگی شونده ی بولیب بو کیشیلردن کمیده 20 ته سی نینگ اوشبو مدرسه ده تعلیم آلگن اوقیووچیلردن عبارت ایکن لیگی قید ایتیلدی.

طالبان ایچکی ایشلر وزیرلیگی سوزچیسی عبدالنافع تکور ایسه حادثه عاقبتیده 10 کیشی نینگ اولگن لیگینی بیلدیرگندی.

اوشبو حادثه نینگ مسؤلیتینی حلی گچه هیچ کیم بوینی گه آلگن یوق.

پایتخت کابل نینگ غربیده جایلشگن دشت برچیده کانکور سیناوی گه تیارلش کورسی گه 30 سپتامبرده اویوشتیریلگن هجوم عاقبتیده 46 ته سی یاش قیزلردن عبارت توپلم 53 کیشی حیاتینی یوقاتگندی.