افغانستانده بو قیشده اهالی امان قالیش اوچون کوره شه دی

افغانستانده بو قیشده کوپراق اهالی امان قالیش اوچون کوره شه دی.

قیزیل صلیب عملیات باشلیغی مارتین شوپ، بیر بیر ملاقاتده ییتیب کیلگن و آغیر بولیب اوتیشی کوتیل قیش فصلی اوچون فکر بیلدیردی.

"اقتصادی قیینچیلیک بار. بو جوده قیین وضعیت. انسانلر امان قالیش اوچون کوره شه دی" دیب ایتدی.

نرخلرنینگ تورلی سببلر طفیلی یوقاری کوتریلیب کیتگن لیگینی معلوم قیلگن خلق ارا قیزیل صلیب کمیسته سی (ICRC) ییتکچیسی، شولرنی ایتدی:

"افغانستان خلقی نینگ اوی اسبابلرینی چیقریب ساتیش گه مجبور بولیب قالگن لیگینی، بیر تاماندن ایسیش اوچون اسباب آلیش گه مجبور بولگن لیگینی بیر تاماندن ایسه آذیق و ایریم احتیاج موادلری یوقاری کوتریلیب کیتگن نرخلرگه دوچ قالگنینی کورماقده میز" دیب ایتدی.

مذکور ییتکچی، چیکلاولرنینگ اولکه گه یاردملر و احتیاجلرنینگ ییتکیزیلیشینی توسیق بولگن لیگینی و ICRC کبی تشکیلاتلرنینگ ایشلریگه دوام ایتیشی اوچون برچه چیکلاولرده انسانی معافیت نی کیریتیلیشی نینگ حیاتی اهمیت گه سزوار ایکن لیگینی قید ایتدی.

قیزیل صلیب نینگ افغانستانده اساسی ساغلیک خذمتلری نینگ یوقه لیب کیتمه یشی اوچون هر آی 10 مینگ 500 ساغلیک پرسونلی گه معاش بیرگن لیگینی قید ایتگن شوپ؛

"ساغلیکنی سقلش پرسونللری نینگ معاشینی تولش نینگ اصل وظیفه میز ایمس ایکن لیگینی بیله میز. بیز انسانی یاردم تشکیلاتی اوله راق بونی قیلیش اوچون مناسب وضعیتده هم ایمس میز. بیراق خذمتلرنینگ دوام ایتیشی اوچون استثنائی اوله راق قیلماقده میز" دیدی.