اسلام همکارلیک تشکیلاتی کابلده اویوشتیریلگن هجوم نی قاره له دی
اوشبو توغریده اسلام همکارلیک تشکیلاتی تامانیدن بیانات بیریلدی
اسلام همکارلیک تشکیلاتی, 23- سپتامبر کونی افغانستان پایتختی کابلده مسجد آلدیده اویوشتیریلگن و 7 کیشی نینگ اولیمی گه سبب بولگن هجوم نی قاره لب چیقدی.
بیریلگن بیاناتده, اسلام همکارلیک تشکیلاتی عمومی سکرتری نینگ کابل ده گی وزیر اکبر خان جامع مسجدی آلدیده جمعه نمازی دن چیقیلیاتگن پیتده یوز بیرگن پارتلش حادثه سی عاقبتیده حیاتی نی یوقاتگن کیشی لرنینگ عایله لری گه قیغوداشلیک بیلدیرگن لیگی و یره لنگن لر گه ایسه عاجل شفا تیلب قالگن لیگی معلوم قیلیندی.
اسلام همکارلیک تشکیلاتی نینگ معصوم انسان لرنینگ اولیمی گه سبب بولگن اوشبو هجوم نی قاره له گن لیگی معلوم قیلینگن بیاناتده, مذکور هجوم نینگ اولکه ده گی یمان امنیتی وضعیت نینگ بونده ی دوام ایته آلمه یدیگن لیگی نینگ کورستگیچی ایکن لیگی اورغولندی.
عینی دمده بیاناتده, افغانستانده مسئول لر نینگ بونده ی هجوم لر گه قرشی تدبیر آلیش لری و خلق نینگ امنیتی نی تامین ایتیش لری طلب ایتیلدی.
کابلده 23- سپتامبر کونی وزیر اکبر خان جامع مسجدی آلدیده انسان لر جمعه نمازی دن چیقیاتگن پیتده یوز بیرگن پارتلش عاقبتیده 7 کیشی حیاتی نی یوقاتدی و 41 نفر ایسه یره لندی.
علاقه لی ینگی لیکلر
تورکیه تامانیدن افغانستان ده بیر کتابخانه نینگ پایدیواری قوییلدی
تورکیه تامانیدن افغانستان نینگ بامیان ولایتیده بیر کتابخانه قوریلیشیدن خبیر بیریلدی