افغانستان نینگ شمالیده اویوشتیریلگن هجوم عاقبتیده اونلب کیشی حیاتینی یوقاتدی

طالبان جنگریلری تامانیدن افغانستان نینگ شمالیده جایلشگن بلخ ولایتیده گی پوسته گه اویوشتیریلگن قوراللی هجوم عاقبتیده 5 عسکر حیاتینی یوقاتدی.

اولکه نینگ شمالیده جایلشگن 209 – شاهین قول اردو قومندانلیگی سوزچیسی محمد حنیف رضائی جنگریلرنینگ بلخ ولایتی نینگ چیمتال تومنی نینگ سر آسیاب منطقه سیده گی عسکری پوسته گه قوراللی هجوم اویوشتیریلگن لیگینی ایتدی.

بو هجوم عاقبتیده 5 نفر عسکرنینگ اولگن لیگینی بیلدیرگن رضائی هجوم نینگ آرتیدن یوز بیرگن توقنه شووده 7 ته جنگری نینگ اولگن لیگینی اورغوله دی.

شاهدلر ایسه هجومده 10 عسکرنینگ اولگن لیگینی 5 عسکرنینگ ایسه جنگریلرنینگ قولیگه اسیر توشگن لیگینی ادعا ایتدی.

طالبان گروهیدن بیریلگن بیاناتده ایسه 1 عسکرنینگ اولگن لیگی ادعا ایتیلدی.