سعودی عربستان قرالی سلمان بن عبدالعزیز اوپکه کسللیگی طفیلی تداوی آستیگه آلیندی
قرال سلمان بن عبدالعزیزنینگ کسل لیگی طفیلی سعودی عربستان ولیعهد شهزاده سی جاپان سفرینی کیینگه تشله دی
سعودی عربستان قرالی سلمان بن عبدالعزیزنینگ اوپکه کسللیگی طفیلی تداوی آستیگه آلینگن لیگی بیلدیریلدی.
سعودی عربستان قراللیک سراییدن بیریلگن یازمه بیاناتده، توناون کونی تب و جان آغریغی بولگن 88 یشر قرال سلمان نینگ جده شهریده جایلشگن السلام سراییده اورین آلگن کسلخانه ده معاینه قیلینگن لیگی بیلدیریلدی.
قرال سلمان ده اوپکه سیده معما بارلیگی تثبیت ایتیلگن لیگی شونده قیلیب السلام سراییده انتی بیوتیک تداویسی گه باشلنگن لیگی معلوم قیلیندی.
سعودی عربستان قرالی اپریل آییده قرال فیصل کسلخانه سیده ساغلیک تیکشیرووی اوتکزگندی.
شونده ی قیلیب سعودی عربستان ولیعهد شهزاده سی محمد بن سلمان بوگون بوله دیگن جاپان سفرینی کیینگه تشله دی.
جاپان باش کابینه سکرتری یوشیماسا هیاشی، ولیعهد شهزاده سلمان نینگ سفرینی قرال نینگ کسل لیگی طفیلی کیینگه تشله گن لیگینی بیلدیردی.
سعودی عربستان ولیعهد شهزاده سی سلمان نینگ جاپان سفری دایره سیده جاپان امپراتوری ناروهیتو بیلن باش وزیر فومیو کیشیدا بیلن اوچره شیشی ریجه لنگندی.
علاقه لی ینگی لیکلر
مکسیکوده ینه بیر سیاستچی آتیب اولدیریلدی
بیر بلدیه باشلیغی کاندیدی سیلاو کمپاینی جریانیده آتیب اولدیریلدی