تورکیه جمهور باشلیغی ایردوغان سلواکیا باش وزیری گه قره ته اویوشتیریلگن هجوم نی قاره له دی

تورکیه جمهور باشلیغی رجب طیب ایردوغان سلواکیا باش وزیری روبرت فیکوگه قره ته اویوشتیریلگن سوئ قصد هجومینی قتّیق قاره له دی.

جمهور باشلیغی ایردوغان اجتماعی ترماق آرقه لی بیرگن بیاناتده، شولرنی ایتدی:

" سلواکیا باش وزیری روبرت فیکوگه قره ته اویوشتیریلگن منفور سوئ قصد هجومینی قتّیق قاره لب هجوم عاقبتیده یره لنگن حرمتلی فیکوگه عاجل شفا تیلب قاله من. سلواکیا خلقی گه و حکومتی گه اولکم و ملتیم تامانیدن قیغوداشلیک بیلدیره من." دیدی.

روبرت فیکو توناون کونی وزیرلر کینگشی جلسه سی نینگ آرتیدن اویوشتیریلگن سوئ قصد هجومی عاقبتیده یره لنیب کسلخانه گه تداوی آستیگه آلینگندی.