مسکوده اویوشتیریلگن قوراللی هجومده اولگنلر سانی آرتدی
اوشبو توغریده روسیه تیرگاو کمیته سی باشلیغی بیانات بیردی
روسیه پایتختی مسکوده جمعه کونی بیر کنسرت سالونیده اویوشتیریلگن ترورچیلیک هجومیده حیاتینی یوقاتگن لر سانی 139 نفر گه ییتدی.
روسیه تیرگاو کمیته سی باشلیغی الکساندر باستریکین, روسیه جمهوررئیسی ولادیمیر پوتین نینگ اشتراکی بیلن بولیب اوتگن و اوشبو ترورچیلیک هجومی بیلن علاقه لی گپیریلگن ییغیلیشده معروضه قیلدی.
ترورچی لرنینگ کنسرت سالونی گه (تورکیه وقتی بیلن) ساعت 19.58 ده کیرگن لیک لری و 20.11 ده ایسه بنا نی ترک ایتگن لیک لرینی معلوم قیلگن باستریکین, اوشلنگن هجومچی لرنینگ اعتراف قیلگن لیک لرینی بیلدیردی.
باستریکین, "هجوم عاقبتیده 139 کیشی حیاتینی یوقاتدی, 75 نفری نینگ کیملیک لری انیقلندی. اولگن لر آره سیده 3 نفر باله هم موجود" دییه قید ایتدی.
باستریکین, اوشبو حادثه ده 182 کیشی نینگ ایسه یره لنگن لیگینی بیلدیردی.
پایتخت مسکوده 22- مارچ کونی کیچقرون بیر کنسرت سالونیده ترورچیلیک هجومی اویوشتیریلگن ایدی.
اجتماعی ترماق آرقه لی ترقه تیلگن تصویر لرده هجومچی لرنینگ ماشیندار قورال لر بیلن اوق اوزگن لیک لری کورینگن ایدی.
هجوم نینگ مسئولیتی ترور تشکیلاتی داعش اوز بوینی گه آلرایکن, 7 کیشی اوشلنگن ایدی.
علاقه لی ینگی لیکلر
سنگال ده بیر اوچاق نینگ یولدن چیقیب کیتگن لیگی بیلدیریلدی
یولدن چیقیب کیتگن اوشبو اوچاقده اونلب کیشی بارلیگی بیلدیریلدی
امریکا قوشمه ایالتلریده کوچلی طوفان یوزبیردی
اوشبو طوفان عاقبتیده مینگلب اوی - جای نینگ برقی نینگ کیسیلیب قالگن لیگی بیلدیریلدی