اوروشده اوتیز بیر مینگ اوکراینلیک حربی حیاتینی یوقاتدی

اوکراین جمهوررئیسی ولودمیر زلنسکی, اوکراین اردوسی نینگ روسیه بیلن بولگن اوروشده 31 مینگ حربی سی نینگ حیاتینی یوقاتگن لیگینی معلوم قیلدی. 

اوکراین پایتختی کیف ده بولیب اوتگن بیر ییغیلیشده معروضه قیلگن زلنسکی, "بو اوروشده 31 مینگ نفر اوکراینلیک حربی حیاتینی یوقاتدی.  بو رقم, پوتین یاکه تیگره گیده گی یلغانچی لرنینگ ایتگن لیگی دیک 300 مینگ ویا 150 مینگ دن عبارت ایمس.  روسیه تامانیدن ایسه 180 کیشی حیاتینی یوقاتدی" دییه قید ایتدی. 

زلنسکی, یره لنگن یاکه لادرک یوقالگن اوکراینلیک حربی لر بیلن علاقه لی بیرگن بیاناتیده, "دشمن لر گه امکانیت تامین ایتیب بیرمسلیک" اوچون معلومات بیرمه یدیگن لیگینی بیلدیردی.  الحاق قیلینگن اوکراین توپراق لریده حیاتینی یوقاتگن لر نینگ یقین لری گه قیغوداشلیک بیلدیرگن زلنسکی, اوکراین قوراللی کوچلری نینگ ستراتیژی سی نینگ, ظفر نینگ زودلیک بیلن قولگه کیریتیلیشی اوچون مخفی بوله دیگن لیگینی معلوم قیلدی. 

زلنسکی, اوکراین نینگ هجوم پلان لری نینگ مسکو تامانیدن هجوم آلدی دن بیلینگن لیگینی بیلدیردی. 

اوکراین رهبری, "انیق ایتماقچی من که, اوتگن ییل نینگ کوز موسمیده گی هجوملری میز, باشله مسدن آلدین کرملین تامانیدن بیلینگن ایدی" دییه قید ایتدی.