اوکراین اردوسی تامانیدن بلگراد شهریگه هجوم اویوشتیریلگن لیگی بیلدیریلدی

روسیه، اوکراین اردوسی تامانیدن بلگراد شهریگه اویوشتیریلگن هجوم عاقبتیده 6 کیشی نینگ حیاتینی یوقاتگن لیگینی بیلدیردی.

روسیه ساغلیکنی سقلش وزیری اورینباسری الکسی کوزنتسوف ژورنالیستلرگه بیرگن بیاناتده، اوکراین اردوسی تامانیدن بلگراد شهریده بیر مارکیت گه هجوم اویوشتیریلگن لیگینی بیلدیردی.

خوددی شو هجوم عاقبتیده بیرته باله توپلم 6 کیشی نینگ حیاتینی یوقاتگن لیگینی 17 کیشی نینگ یره لنگن لیگینی معلوم قیلدی. ساغلیکنی سقلش وزیری میخائیل مراشکونینگ بویروغی بیلن بلگرادده متخصص ساغلیکنی سقلش گروهی جونه تیلگن لیگینی افاده ایتگن کوزنتسوف یره لیلرگه طبی یاردم بیریلگن لیگینی قید ایتدی.

روسیه تشقی ایشلر وزیرلیگی سوزچیسی ماریه زهراوه بیرگن بیاناتده، "هجوم نینگ ترورچیلیکدن عبارت ایکن لیگینی" و بونی بیرلشگن ملتلر تشکیلاتی خوفسیزلیک کینگشی قاله ویرسه خلق ارا تشکیلاتلرده کون ترتیبی گه کیریته جکلرینی تیلگه آلدی.

شونده ی بولیب روسیه مدافعه وزیرلیگی تامانیدن بیریلگن بیاناتده، اوکراین نینگ روس توپراقلریده گی عنصرلرگه راکتلر آرقه لی هجوم اویوشتیریش تشبثیده بولگن لیگی بیلدیریلدی.

اوشبو هجوم گه توسیق بولینگن لیگی قید ایتیلگن بیاناتده بلگراد منطقه سی اوستیده 14 ته راکت نینگ روسیه هوا مدافعه سیستملری تامانیدن نشان آلیب اوریلگن لیگینی معلوم قیلیندی.