امریکا قوشمه ایالتلری حربی لری گه ینه هجوم اویوشتیریلدی
اوشبو حربی لر گه قره ته هوا هجومی اویوشتیریلدی
ایران تامانیدن حمایت قیلینیاتگن گروپلر, امریکا قوشمه ایالتلری نینگ سوریه ده گی حربی مرکزی گه قره ته اوچووچیسیز اوچاق لردن فایده له نیب ینه هوا هجومی اویوشتیردی.
سوریه نینگ دیرالزور ولایتیده, ایران نینگ حمایه سی آستیده گی گروپلر, امریکا قوشمه ایالتلری حربی لری نینگ جایلشتیریلگن عمر پطرول ساحه سی گه اوچووچیسیز اوچاق لردن فایده له نیب بیر نیچه هوا هجومی اویوشتیردی.
حاضرچه اوشبو توغریده امریکا قوشمه ایالتلری تامانیدن ایسه هیچ قنده ی بیر بیانات بیریلمه گن.
امریکا قوشمه ایالتلری, 28- جنوریده سوریه- اردن چیگره سیده گی امریکالیک حربی لر گه قره ته اویوشتیریلگن هجوم گه جواب اوله راق 3- فبروری کونی, سوریه و عراقده ایران انقلاب محافظ لری اردوسی قدس کوچی گه باغلیق جنگری گروپ لر گه عاید کمیده 85 هدف نینگ هوا هجومی بیلن اوریلگن لیگینی بیلدیرگن ایدی.
سوریه ده امریکالیک حربی لرنینگ موجود بولگن مرکز لرگه, جاری ییل نینگ دستلبکی کونیدن بیری راکت و کیمه گه عاید ایکن لیگی انیقلنمه گن اوچووچیسیز اوچاق لر بیلن بیر نیچه مراتبه هجوم اویوشتیریلگن ایدی.
علاقه لی ینگی لیکلر
امریکا قوشمه ایالتلریده بیر حربی اوچاق قولب توشدی
اوشبو اوچاق نینگ امریکا قوشمه ایالتلری نینگ نیو مکسیکو ایالتیده قولب توشگن لیگی بیلدیریلدی
اوچ مملکت فلسطین دولتینی رسمی روشده تن آلدی
اروپانینگ 3 ته دولتی فلسطین نی رسمی دولت ایتیب تن آلگن لیگینی بیلدیردی