تورکیه خلق ارا و منطقه مقیاسیده گی توگینلرنی ییچیش گه اِنتیلماقده

تورکیه جمهوریتی جمهوررئیسلیک علاقه باشقرمه سی نینگ باشلیغی فخرالدین آلتون, تورکیه نینگ, خلق ارا و منطقه مقیاسیده گی توگین لرنی ییچیش اوچون بشری و دیپلماتیک یوللردن تشقری, دولت دیپلماسی سی کبی دولتلر ارا مناسبت لرنینگ مدرن واسطه لریدن هم موثر بیر شکلده فایده لنگن لیگینی اورغوله دی.

آلتون, اسپانیاده باسیلیب چیقه دیگن سیاست مجله سیدن عبارت آتالایارده ترقه تیلگن "اردوغان نینگ تورکیه سی بیرلشگن ملتلر تشکیلاتی نینگ موفقیتسیزلیککه اوچره گن جای لرده ییچیم تاپماقده" عنوانی گه ایگه مقاله سیده, تورکیه نینگ منطقه مقیاسیده گی موضوع لر بوییچه رولی و بیرلشگن تشکیلاتی میکانیزمیده احتیاج حس ایتیلیاتگن اصلاحات گه دقت قره تدی. 

آلتون, جمهوررئیس رجب طیب اردوغان رهبرلیگیده, تورکیه نینگ سونگّی ییللرده تشله گن قدم لر بیلن خلق ارا موازنه لرده حرمت قازانگن لیگی, اورته شرق, قفقازلر و باشقه منطقه مقیاسیده گی موضوع لرده موفقیتلی رول اوینه گن لیگینی ایسله تیب اوتدی. 

آلتون, " تورکیه سونگّی ییللرده تشله گن قدم لر بیلن خلق ارا موازنه لرده حرمت قازانماقده, اورته شرق, قفقازلر و باشقه منطقه مقیاسیده گی موضوع لرده موفقیتلی رول اوینه ماقده. سونگّی پیتلرده باشله گن اسرائیل- فلسطین اختلافیده جمهوررئیس اردوغان رهبرلیگیده بحث موضوعی ایتیلگن و مسئله نینگ بشری تامانی عکس ایتدیریلگن ییچیم گه قره تیلگن سیاست بونینگ کورستگیچی دن عبارت.  اوکراین, قره باغ و باشقه منطقه مقیاسیده گی مسئله لرنینگ هم کورسه تیب بیرگن لیگی دیک, جمهوریت نینگ ایکّینچی عصری باشلرایکن تورکیه, منطقه سیده یول کورسه تووچی بیر اولکه گه ایلنگن وضعیتده" دییه قید ایتدی. 

آلتون, بیرلشگن ملتلر تشکیلاتی خوفسیزلیک کینگشی کبی خلق ارا موسسه لرنینگ ییترسیز بولیب قالگن لیگی و حتی قیین چیلیکلرنی ینه ده چقورلشتیرگن لیگینی معلوم قیلرایکن, خلق ارا تشکیلات لرنینگ ینگی عصر و ینگی دور موازنه لری دایره سیده قوریلیشی کیره ک ایکن لیگی نینگ انیق ایکن لیگینی بیلدیردی. 

تورکیه نینگ کوپ بُعدلیک و کوپ اکتورلیک ینگی بیر خلق ارا سیاست گه, جمهوررئیس اردوغان نینگ, "دنیا بیش دن کتته" شعاری گه اویغون اوله راق تیارله نیاتگن لیگینی بیلدیرگن آلتون, اوز سوزلرینی, "تورکیه, خلق ارا و منطقه مقیاسیده گی توگین لرنی ییچیش اوچون بشری و دیپلماتیک یوللردن تشقری دولت دیپلماسی سی کبی دولتلر ارا مناسبت لرنینگ مدرن واسطه لری دن هم موثر بیر شکلده فایده لنماقده" شکلیده دوام ایتدیردی.