نایجریاده پارتلش عاقبتیده اونلب کیشی حیاتینی یوقاتدی

نایجریا نینگ پطرول منطقه سی بولگن نیجر دلتاده گی ریورس ایالتیده قاچاق پطرول تصفیه مرکزیده یوز بیرگن پارتلشده 37 کیشی حیاتینی یوقاتدی. 

تلویزیون آرقه لی بیریلگن خبرده, ریورس ایالتی گه باغلیق ایموهوا منطقه سیده قاچاق پطرول تصفیه مرکزیده پارتلش یوز بیرگن لیگی بیلدیریلدی. 

حادثه عاقبتیده آره سیده حامله بیر عیال نینگ هم موجود بولگن 37 نفر حیاتینی یوقاتدی و کوپلب کیشی ایسه یره لندی. 

مسئول لر, منطقه گه اطفائیه تیم لری نینگ یوباریلگن لیگی و حادثه بیلن علاقه لی فعالیت لر باشله تیلگن لیگینی بیلدیردی. 

نایجریاده یوزلب ناقانونی پطرول تصفیه مرکز لری فعالیت یوریتماقده. 

خام پطرول تولیدیده دنیا نینگ دستلبکی 15 اولکه سی آره سیده اورین آلگن نایجریا, دنیا ده اینگ کوپ پطرول مقداری گه ایگه 8- اولکه بولیب پطرول صادراتی جهتی دن هم 6- اورین نی ایگلله ماقده.