مصرده اوچ کونلیک یاس ایتیب اعلان قیلیندی

مصرده مراکش ده گی ییر سیلکینیشی و لیبیاده گی سیل فلاکتی عاقبتیده حیاتینی یوقاتگنلر اوچون اوچ کونلیک یاس ایتیب اعلان قیلینگن لیگی بیلدیریلدی.

مصر جمهور رئیسلیگی تامانیدن بیریلگن بیاناتده جمهور باشلیغی عبدالفتاح السیسی نینگ بوگون ایرته لب بعضی بیر اردو قومندانلری بیلن اوچره شگن لیگی بیلدیریلدی.

بیاناتده السیسی نینگ مراکش ده گی ییر سیلکینیشی و لیبیاده گی سیل فلاکتی عاقبتیده حیاتینی یوقاتگنلر اوچون قیغوداشلیک بیلدیرگن لیگی قید ایتیلدی.

"مراکش و لیبیاده گی قرینداشلریمیزگه بیردملیک مصرده اوچ کونلیک یاس ایتیب اعلان قیلیندی." دییلگن بیاناتده السیسی نینگ قوراللی کوچلری هم تیزده مراکش و لیبیاگه هم هوادن همده ییردن انسانپرورلیک یاردملری ییتکیزیب بیریلیشی بوییچه بویروق بیرگن لیگی معلوم قیلیندی.

مراکش ایچکی ایشلر وزیرلیگی تامانیدن بیریلگن بیاناتده 8 سپتامبر کونی کیچه یو بیرگن ییر سیلکینیشی عاقبتیده حیاتینی یوقاتگنلرنینگ سانی نینگ 2 مینگ 862 گه، یره لنگنلرنینگ ایسه 2 مینگ 562 گه ییتگن لیگی بیلدیریلگندی.

اولکه نینگ شرقیده گی حکومت نینگ ساغلیک نی سقلش منبعلری سیل فلاکتیده اولگنلر سانی نینگ 3 مینگدن آشیب کیتگن لیگینی معلوم قیلرکن قیزیل صلیب لادرک بولگنلر سانی نینگ 10 مینگ نفرگه ییتگن لیگینی بیلدیرگندی.