اوکراین نینگ مسکو گه هوا هجومی نینگ آلدی آلیندی

روسیه پایتختی مسکو گه هوا هجوم اویوشتیرماقچی بولگن اوکراین گه عاید اوچووچیسیز اچاق لرنینگ مسکو, کالوگا و توور منطقه لریده اوریب توشیریلگن لیگی بیلدیریلدی.

روسیه مدافعه وزیرلیگی تامانیدن بیریلگن بیاناتده, کیف نینگ کیچه و ایرته لبکی پیتده روسیه حدود لریده گی مرکز لر گه اوچوچیسیز اوچاق لر بیلن هجوم اویوشتیریش تشبثی نینگ آلدی نینگ آلینگن لیگی معلوم قیلیندی. 

ساعت 03.00 ده هوا مدافعه سیستمی تامانیدن بیر اوچووچیسیز اوچاق نینگ کالوگا منطقه سیده اوریب توشیریلگن لیگی بیلدیریلگن بیاناتده, ینه بیر اوچووچیسیز اوچاق نینگ ایسه مسکو نینگ ایسترینسکی تومنیده یوق قیلینگن لیگی ایسله تیلدی. 

بیاناتده, اوکراین گه عاید ینه بیر اوچووچیسیز اوچاق نینگ توور منطقه سیده اوریب توشیریلگن لیگی معلوم قیلیندی. 

مسکو بلدیه باشلیغی سرگی سوبیانین هم اجتماعی ترماق آرقه لی بیرگن بیاناتیده, اوشبو منطقه لرده اوریب توشیریلگن اوچووچیسیز اوچاق لر نینگ مسکو گه هجوم اویوشتیرماقچی ایکن لیگینی بیلدیردی. 

دستلبکی معلومات لر گه کوره مسکو نینگ ایسترینسکی تومنیده اوریب توشیریلگن اوچووچیسیز اوچاق پارچه لری نینگ اصابت ایتیشی نتیجه سیده بیر مرکزگه ضرر ییتگن لیگی نی بیلدیرگن سوبیانین, توور و کالوگا ده ایسه هیچ قنده ی بیر جانی و مالی خساره نینگ بحث موضوعی ایمس لیگینی معلوم قیلدی.