پوتین اردوغان حقیده گی حجتلی فلم نی اردوغان گه تقدیم ایتدی

روسیه جمهوررئیسی ولادیمیر پوتین, تورکیه جمهوریتی جمهوررئیسی رجب طیب اردوغان گه, اردوغان حقیده گی حجتلی فلم نی تقدیم ایتدی. 

کرملین سوزچیسی دیمیتری پسکوف, روس خبر آژانسی تاس آرقه لی بیرگن بیاناتیده, پوتین نینگ, روسیه نینگ سوچی شهریده اردوغان گه اونینگ حقیده گی حجتلی فلم نی تاپشیرگن لیگینی بیلدیردی. 

اردوغان حقیده گی حجتلی فلم, روس ژورنالیست و تاس خبر آژانسی باشلیغی نینگ اورینباسری میخائیل گوسمن تامانیدن تاس و روسیه-24 تلویزیونی نینگ همکارلیگیده تیارلندی. 

آلدین اردوغان بیلن 4 مراتبه مصاحبه قیلگن گوسمن اوشبو حجتلی فلمده, اردوغان نینگ باله لیگی, سیاستده گی موفقیت لری و رهبر بولگندن کیین قیلگن خدمت لری حقیده معلومات بیرماقده.  عینی دمده اوشبو حجتلی فلمده اردوغان بیلن آلدین قیلینگن مصاحبه لر گه اورین اجره تیلماقده. 

بوندن تشقری اوشبو حجتلی فلمده, جمهوررئیس اردوغان نینگ قیسقه بیر مدت آلدین تورکیه جمهوریتی علاقه باشقرمه سی نینگ سعی و حرکت لری بیلن روس تیلی گه اوگیریلگن "ینه ده عادلراق بیر دنیا نینگ موجود بولیشی ممکن" ناملی کتابی دن هم ایریم جمله لرگه اورین اجره تیلیب اردوغان نینگ فکر لری گه دقت قره تیلماقده.

روس دولت تلویزیونی دن عبارت روسیه – 24 تلویزیونی آرقه لی ترقه تیلگن اوشبو حجتلی فلم, تورکیه نینگ مسکو ایلچی خانه سیده جون آییده کورسه تیلگن ایدی. 

روس ژورنالیست گوسمن, جمهوررئیس اردوغان نینگ کتته بیر سیاستچی ایکن لیگینی بیلدیررایکن, "تورکیه بونده ی بیر رهبر گه ایگه ایکن لیگی باعث موتلی بیر اولکه.  او نه فقط کتته بیر سیاستچی, عینی دمده کتته بیر شخصیت و کتته بیر کاریزما" دییه قید ایتگن ایدی.