اوکراین نینگ مسکو گه هوا هجومی نینگ آلدی آلیندی

روسیه مدافعه وزیرلیگی, اوکراین نینگ مسکو و بریانسک منطقه لری گه اوچووچیسیز اوچاق لر بیلن هجوم اویوشتیریش تشبثی نینگ آلدی نینگ آلینگن لیگینی معلوم قیلدی.

وزیرلیک تامانیدن بیریلگن بیاناتده, کیچه کیف نینگ روسیه حدودلریده اوچووچیسیز اوچاق لر بیلن هجوم اویوشتیریش گه تشبث قیلگن لیگی بیلدیریلرایکن, "2 اوچووچیسیز اوچاق, هوا مدافعه سیستمی تامانیدن بریانسک منطقه سی هوا ساحه سیده اوریب توشیریلدی" دییه قید ایتیلدی. 

وزیرلیک تامانیدن بیریلگن باشقه بیر بیاناتده, بوگون ایرته لب 04:30 ده اوکراین نینگ مسکو گه هجوم اویوشتیریش تشبثی نینگ آلدی نینگ آلینگن لیگی معلوم قیلینرایکن, بیر اوچووچیسیز اوچاق نینگ مسکوده لیوبرتسی منطقه سی هوا ساحه سیده یوق قیلینگن لیگی بیلدیریلدی. 

مسکو شهرداری سرگی سوبیانین هم اجتماعی ترماق آرقه لی بیرگن بیاناتیده, مسکو تامان اوچگن اوچووچیسیز اوچاق نینگ لیوبیرتسی ده توشیریلیشی نتیجه سیده آلینگن دستلبکی معلوماتلر گه کوره هیچ قنده ی بیر جانی و مالی خساره نینگ بحث موضوعی ایمس لیگی و تیم لرنینگ حادثه محلی گه ییتیب بارگن لیگینی معلوم قیلدی. 

عینی دمده تاس خبر آژانسی کیچه مسکوده گی وونوکوو و دومودیدوو هوا قونلغه لریده اوچیش لرنینگ تقریباً بیر ساعت توخته تیلیشی آرتیدن قیته باشله گن لیگی نی بیلدیردی.