آلمان باش وزیری اوکراین جمهوررئیسی بیلن سوزله شدی

آلمان باش وزیری اولاف شولتس, تلفن آرقه لی, اوکراین جمهوررئیسی ولادیمیر زلنسکی بیلن سوزله شدی. 

آلمان حکومت سوزچیسی استیفن هبستریت نینگ بیرگن یازمه بیاناتی گه کوره, صحبتده اوکراینده گی سیاسی, حربی و بشری وضعیت حقیده سوز یوریتیلدی. 

شولتس, اولکه سی نینگ, "روسیه نینگ دوام ایتیاتگن هجوم لری گه قرشی" اوکراین بیلن "مستحکم" همکارلیگینی ینه بیر بار تکرارلب اوتدی.

اولاف شولتس, آلمان نینگ اروپالیک و خلق ارا اورتاق لر بیلن یقین همکارلیکده حربی حمایت داخل اوکراین نی قوللب- قوتلش گه دوام ایته دیگن لیگینی معلوم قیلدی. 

زلنسکی هم, اینیقسه آغیر قوراللر داخل اوکراین هوا مدافعه سیستمی نی کوچه یتیریش بوییچه حربی همکارلیک لری سببلی آلمان گه منتدارچیلیک بیلدیردی.

شولتس بیلن زلنسکی, خلق ارا مقیاسده غذایی مواد نینگ تامین ایتیلیشیده فایده لی بولگن بیرلشگن ملتلر تشکیلاتی حمایه سی آستیده قاره دینگیز آرقه لی حبوبات نینگ انتقال ایتدیریلیشی بوییچه کیلیشوو نینگ 17- جولای ده ینگی له نیب دوام ایتیشی توغریسیده چقیریق بیردی. 

ایکله رهبر, اینیقسه تینچلیک سیور بیر ییچیم یولی نینگ قوللب- قوتله نیشی بوییچه مثبت مشوره لر نینگ دوام ایتیشی اوچون یقین دن ارتباطده بولیش لری باره سیده اوز ارا کیلیشیب آلدی.