بیرلشگن ملتلر تشکیلاتی باش کاتبی افغانستان بوییچه مهم بیانات بیردی

بیرلشگن ملتلر تشکیلاتی باش کاتبی انتونیئو گوترش بیرلشگن ملتلر تشکیلاتی نینگ افغانستان ده گی خاتینلر و قیز باله لرگه قره ته منتظم روشده قوللنیله یاتگن زوروانلیک لرگه جیم تورمسلیگینی ایتدی.

بیرلشگن ملتلر تشکیلاتی باش کاتبی گوترش قطرنینگ پایتختی دوحه ده افغانستان بیلن تیگیشلی اوتکزگن جلسه لرنینگ آرتیدن اویوشتیرگن مطبوعاتی کنفرانسده افغانستان نینگ برقرارلیگی بوییچه خواطرلرنینگ کوپه یگن لیگینی تیلگه آلدی.

گوترش طالبان نینگ خاتین – قیز پرسونللرگه قره ته چیکلاولر کیریتگن حالده بیرلشگن ملتلر تشکیلاتی نینگ میلیونلب چاره سیز بولیب قالگن افغانستانلیک که یاردم ییتکیزیب بیریش اوچون افغانستان ده قالیشیدن خبر بیردی.

بیرلشگن ملتلر تشکیلاتی نینگ افغانستان ده یاردم ییتکیزیب بیریش مقصدی بیلن او جایده قالگن حالده یاردم فندلری نینگ کمه یگن لیگینی قید ایتگن گوترش یاردملر اوچون جاری ییلده مالی تعهدلرده جدی درجه ده کمچیلیک بارلیگی بوییچه آگاهلنتیردی.

افغانستان ده دنیا بویلب اینگ بویوک انسانی بحران یوزبیریب تورگن لیگینی و اولکه نینگ برقرارلیگی توغریسیده انچه خواطر بارلیگینی افاده ایتگن گوترش بیرلشگن ملتلر تشکیلاتی نینگ هم افغانستان خلقی منفعتلری اوچون هر تامانلمه یقینلشیش یولیده اوچره شوولر اوتکزیشده دوام ایتیشینی بیلدیردی.

گوترش " بیرلشگن ملتلر تشکیلاتی نینگ افغانستان ده گی خاتینلر و قیز باله لرگه قره ته منتظم روشده قوللنیله یاتگن زوروانلیک لرگه جیم تورمه یدی" دیب ایتدی.

بیرلشگن ملتلر تشکیلاتی نینگ افغانستان ده گی مسؤلیتلریدن قول تارتمسلیگینی و شونده ی بولیب بیر قطار اورونیشلر آلیب باریلگن لیگینی قید ایتدی.

گوترش شونده ی بولیب طالبان ییتکچیلری تامانیدن بیرلشگن ملتلر تشکیلاتی نینگ افغانستانلیک ملازملری گه نسبتاً کیریتیلگن چیکلاونینگ انسان حقلرینی ایاق آستیگه آلیش ایکن لیگینی تاکییدله دی.

جلسه نینگ هیچ بیر اولکه تامانیدن رسمی روشده تن آلینمه گن طالبان باشقرووینی تن آلیش نی هدفله مه گن لیگینی معلوم قیلگن بیرلشگن ملتلر تشکیلاتی باش کاتبی وقتی کیلگنده طالبان ییتکچیلری بیلن اوچره شیش گه آچیق ایکن لیگینی بیراق بوگون بونینگ اوچون "توغری بیر باسقیچ" ایمس ایکن لیگینی ایتدی.