مکسیکوده یانغین عاقبتیده کوپلب کیشی جان بیردی

مکسیکونینگ امریکا قوشمه ایالتلری نینگ چیگره سیگه یقین بیر منطقه سیده قاچقینلر مرکزیده یوزبیرگن یانغین عاقبتیده 39 کیشی حیاتینی یوقاتدی.

مکسیکو دولت باشلیغی اندریس مانوئیل لوپیز اوبرادور اویوشتیرگن مطبوعاتی کنفرانسده تکساس ایالتی نینگ چیگره سیگه یقین سیودات خوارزده جایلشگن مکسیکو ملی کوچ کمپیده یانغین یوزبیرگن لیگینی بیلدیردی.

اوبرادور یانغین گه "دیپورت قیلیش اوچون توتیلگن قاچقینلرنینگ سبب بولگن لیگینی معلوم قیلیب؛

"ناراضیلیک اوچون پناهگاه نینگ ایشی گه نرسه لر قوییب اوتگه بیردیلر و بونینگ قورقینچ تراژیدی گه سبب بوله جگینی اویله مه گنلر. دیپورت بولیشلرینی بیلگنلری اوچون بونگه قول اورگنلرینی اویله یمیز" دیب ایتدی.

ملی کوچ باشقرووی تامانیدن بیریلگن یازمه بیاناتده تیناون کونی کیچه باشله گن یانغینده 39 کیشی نینگ اولگن لیگی 29 کیشی نینگ یره لنگن لیگی بیلدیریلدی.

بیاناتده 4 کسلخانه ده تداوی آستیگه آلینگن یره لیلرنینگ وضعیتی نینگ آغیر ایکن لیگی قید ایتیلدی.