سومالیا ده کوپلب منطقه لرنینگ ترور تشکیلاتی الشباب نینگ قولیگه توشیشی ممکن

افریقا اتفاقی, سومالیا ده ترور تشکیلاتی الشباب گه قرشی کوره ش اوچون 90 میلیون دالر یاردم طلب قیلدی. 

افریقا اتفاقی سیاسی ایشلر, تینچلیک و خوفسیزلیک کمیشنری بانکوله آدیویه بیرگن بیاناتیده, سومالیاده تروریزم گه قرشی کوره ش اوچون ینه ده کوپراق همکارلیککه ضرورت حس ایتیاتگن لیک لری نی بیلدیردی. 

آدیویه, الشباب گه قرشی کوره ش اوچون 90 میلیون دالرلیک یاردم طلب قیلگن لیکلرینی بیلدیررایکن, ییترلی همکارلیک نینگ قیلینمس لیگی تقدیرده کوپلب منطقه لرنینگ ترور تشکیلاتی نینگ قولیگه توشیشی نینگ ممکن ایکن لیگینی بیلدیردی. 

سومالیا ده گی وضعیت نینگ یمان ایکن لیگینی معلوم قیلگن آدیویه, "خلق ارا جامعه نینگ سومالیا نی ایسدن چیقارمس لیگی کیره ک" دییه قید ایتدی. 

آدیویه, غربی اولکه لرنینگ اوکراین نی قوللب- قوتلیاتگن لیگینی بیلدیررایکن, خوددی شونده ی بیر همکارلیک نینگ سومالیا اوچون هم قیلینیشینی طلب قیلدی.

سومالیا ده افریقا اتفاقی دایره سیده 20 مینگ دن آرتیق عسکر وظیفه اجرا قیلماقده. 

الشباب, میلادی 2000- ییلدن بیری موگادیشووده قوریلگن حکومت نی قوله تیش گه انتیلماقده. 

عینی دمده الشباب, سومالیا نینگ قوشنی سی کنیاده هم ایریم پیتلرده هجوم اویوشتیرماقده.