انگلستان ده بیر جاده رمضان آیی مناسبتی بیلن یارتیلدی

انگلستان نینگ پایتختی لندن نینگ مشهور جاده لریدن کونتری جاده سی ایلک مرته رمضان آیی مناسبتی بیلن یاریتیلدی.

شهرنینگ مهم توریستیک جایلریدن بولمیش جاده ده 30 مینگ ته چیراق بیلن "رمضان مبارک" یازیلدی.

اوشبو چراغلرنینگ یاقیش مراسمی ایسه لندن بلدیه باشلیغی صادق خان نینگ قتنشیشی بیلن بولیب اوتدی.

اوشبو چیراق کورگزمه سی رمضان آیی توغریسیده خبردارلیک نی ترقه تیش نی مقصد قیلیب آلووچی و منفعتسیز « Ramadan Lights UK» آتیده گی تشکیلات تامانیدن تیارلنگن.

جاده دده گی یاریتیش گه لندنلیک قاله ویرسه چیت ایللیک توریستلر هم انچه علاقه کورستدی.

چیراغلر بوگوندن باشلب 23 اپریل گچه هرکون محلی وقت بیلن کیچقرون ساعت 17:00 دن کیچه لب ساعت 01:00 گچه جاده نی یاریتیش گه دوام ایته دی.