تایلندده گی کیمه حادثه سیده اونلب کیشی جان بیردی

تایلنده طوفان طفیلی 19 دسامبر کونی آغده ریلیب کیتگن حربی کیمه نینگ ایچیده گیلردن 18 کیشی نینگ اولگن لیگی 11 نفرنینگ حلی گچه لادرک ایکن لیگی بیلدیریلدی.

تایلند قراللیک دینگیز کوچلری تامانیدن بیریلگن بیاناتده ، کیمه ده گی 105 نفر پرسونلدن 76 ته سی نینگ ساغ قالگن لیگی معلوم قیلیندی.

بیاناتده، 18 کیشی اولدی بیراق 8 ته سی نینگ کیم لیگی انیقلنمه دی. بوگونگه ییتیب کیلگنده 11 کیشی حلی هم لادرک" دیب ایتیلدی.

HTMAS Sukhotai  آتیده گی حربی کیمه، پراچوپ خیری خان ولایتی گه باغلیق بنگ سپهان تومنی قیرغاغی نینگ 32 کیلومتر اوزاغیده دینگیز ساحه سیده گزمه پیتیده طوفان گه دوچ قالگندی.

خوددی شو طوفان عاقبتیده ایچی گه سوو کیرگن کیمه نینگ برق سیستمیده شارت یوزبیریشی طفیلی سووگه باتگن لیگی بیلدیریلگندی.

ییتکچیلر، تایلند کورفزیده آغده ریلیب کیتگن کیمه ده گی برچه گه ییته دیگن قوتقرووچی کییم یوق لیگینی تن آلگندی.