کانادا ده یوزلب حربی اردو دن چیتلشتیریلدی

کانادا ده, کووید- 19 گه قرشی ایمله نیش دن باش تارتگن 407 نفر حربی اردو دن چیتلشتیریلدی. 

کانادا ده دولت نشراتی اورگانی دن عبارت سی تی وی نیوز نینگ بیرگن خبری گه کوره, جستین ترودو حکومتی نینگ اوکتوبر آییده گی "فدرال ادار لر ده ایشلیاتگن دولت پرسونلی نینگ کووید 19 گه قرشی ایکّی دوز واکسین بولیشی" کیره ک ایکن لیگی بوییچه قراری حربی لرنی هم قمره ماقده ایدی. 

اوشبو قرار جون آییده معطل قیلیندی.  

خبرگه کوره, اکتوبر آییدن بیری ایکّی دوز ایمله نیش دن باش تارتگن 299 نفر حربی اردو دن چیتلشتیریلدی. 

خبرده, 13- سپتامبر دن باشلب ینه 108 نفر حربی نینگ هم اوشبو سبب بیلن اردو دن چیتلشتیریلگن لیگی بیلدیریلدی.

عینی دمده, واکسین گه مخالفت بیلدیرگن و حکومت نینگ واکسین بوییچه قراری آرتیدن رخصت آلگن دولت مامور لری نینگ, قرار نینگ معطل قیلینیشی کیتیدن جون آییدن باشلب اوز وظیفه لری گه قیتیب کیله باشله گن لیک لری معلوم قیلیندی. 

کانادا ده واکسین گه طرفدار بولمه گن کوپلب کیشی ایمله نیش دن باش تارتیب و ناراضی لیک بیلدیرگن ایدی. 

کانادا نفوسی نینگ 82 فایزی کووید 19 گه قرشی ایکّی دوز ایملنگن ایدی.