ماریوپول شهریده تیاتر بناسی نینگ روسیه تامانیدن بمباران قیلینیشی عاقبتیده اوچ یوز کیشی هلاک بولگن

اوکراین نینگ ماریوپول شهریده تیاتر بناسی نینگ روسیه تامانیدن بمباران قیلینیشی عاقبتیده 300 کیشی نینگ حیاتی نی یوقاتگن لیگی بیلدیریلدی. 

جاری آی نینگ 16- کونیده روسیه ماریوپول شهریده گی اوشبو تیاتر بناسی نی بمباران قیلگن ایدی. 

اونلب کیشی نینگ ویران بولگن بنا نینگ تگیده قالیب کیتگن اوشبو حادثه نتیجه سیده جان بیرگن کیشی لر سانی حقیده ماریوپول شهردارلیک کینگشی تامانیدن بیانات بیریلدی. 

بیاناتده, "ماریوپول درامه تیاتری نینگ روسیه اوچاق لری تامانیدن بمباران قیلینیشی نتیجه سیده 300 گه یقین کیشی نینگ حیاتی نی یوقاتگن لیگی نی کوردیک.  حاضرگی کونده هم بو دهشت گه ایشانماقچی ایمس میز.  بنا لری میز نی قیته قوره میز لیکن دوست لری میز, قوشنی لری میز, قرینداش- اوروغ لری میز و یقین لری میز نی قیتیریب کیتیریشی میز ممکن ایمس" دییه قید ایتیلدی. 

روسیه اردوسی 24- فبروری ده اوکراین گه هجوم قیله باشله دی.